Nepal's No.1 Filmy Web Magazine

अभिनेत्री श्वेता खड्काले फिल्ममा काम नगरेको २ वर्षभन्दा बढी भइसकेको छ । उनी पछिल्लो पटक फिल्म ‘कान्छी’ मा देखिएकी थिइन् । यसपछि उनले एभरेष्ट सूर्य बोहराको ‘हेल्लो जिन्दगी’ साइन गरेकी थिइन् । तर, घाँटीमा ट्यूमर देखिएपछि उनले फिल्मबाट हात झिकिन् । अहिले आफ्नो व्यापार व्यवसायमा ध्यान दिँदै आएकी उनी एक नयाँ फिल्ममा अनुबन्ध भएकी छन् । 

नेपालमा चलेको फिल्मी ट्रेन्डभन्दा फरक शैलीले फिल्म निर्माण गर्ने निर्देशकको रुपमा चिनिएका दीपेन्द्र के. खनाल चैत पहिलो साताबाट भएको लकडाउनयता फिल्म ‘चिसो मान्छे’ को स्क्रिप्टमा काम गरिरहेका छन् । गत वर्ष प्रदर्शनमा आएको फिल्म ‘आमा’ ले समीक्षात्मक तथा व्यवसायिक सफलता प्राप्त गरेपछि हौसिएका उनी यो फिल्ममा पनि समाजभित्रको कथालाई टिप्दैछन् । 

निखिल उप्रेती, विराज भट्ट, भुवन केसीलगायतका अभिनेताले आफूलाई निर्देशकको रुपमा पनि उभ्याइसकेको अवस्थामा अर्का एक अभिनेताले निर्देशनमा हात हालेका छन् । ‘लंका’, ‘रावण’, ‘उवर्शी’ लगायत दुई दर्जन बढी फिल्ममा अभिनय गरिसकेका किशोर खतिवडाले फिल्म ‘एल हाउस’ को निर्देशन गरेका छन्, जसको केही दिन अगाडि ट्रेलर सार्वजनिक भएको छ । 

अभिनेता सुशांत सिंह राजपूतको निधन भएको दुई महिना भइसकेको छ । उनको मृत्यु प्रकरणको जाँच सीबीआईले गरिरहेको छ । एकथरीले बलिउडमा व्याप्त नातावाद र समुहवादका कारण उनले आत्महत्या गरेको बताएका छन् भने अर्काथरीले ड्रग्सको लतमा फसेर उनले आफैंलाई समाप्त पारेको दाबी गरेका छन् । यद्यपि, उनले आत्महत्या गर्नुको कारण भने खुल्न सकेको छैन ।

अभिनेता अनमोल केसी फिल्म छनौटमा चुजी मानिन्छन् । उनलाई फिल्ममा खेलाउनका लागि निर्माता/निर्देशकले ठूलो मिहेनत गर्नुपर्छ । स्क्रिप्ट र आफ्नो भूमिका चित्त बुझेको खण्डमा मात्र उनी फिल्म गर्नका लागि सहमति जनाउँछन् । स्क्रिप्ट आफूले सोचेको जस्तो तयार नभए उनी साइन गरेका फिल्म छाड्न समेत पछाडि हट्दैनन् । ‘ब्याचलर बन्टी’ र ‘धुपौरे’ यसका उदाहरण हुन् ।

दशक अगाडि नेपाली फिल्ममा बलियो उपस्थिति जनाएकी अभिनेत्री अरुणिमा लम्साल अमेरिका बस्न थालेको वर्षौं भइसकेको छ । अमेरिका पुगेको केही वर्षपछि श्रीमानसँग डिभोर्स गरेर एकल जीवन विताउँदै आएकी उनको एक छोरी छिन् । लगातार फिल्म असफल हुन थालेपछि भविष्यको चिन्ताले अमेरिका पलायन भएकी उनले त्यसपछि नेपाल फर्किएर फिल्ममा काम गरेकी छैनन् ।