Nepal's No.1 Filmy Web Magazine

अभिनयमा पारंगत मानिने अभिनेता नाजिर हुसेन सोमवार आफ्नो ३०औं जन्मदिन मनाउँदैछिन् । २०४७ साल भाद्र २२ गते सिमरामा सामान्य परिवारमा जन्मिएका उनले सन् २०१५ मा आएको ‘होस्टेल रिर्टन्स’ बाट फिल्म करिअर सुरु गरेका थिए । यसमा उनले मधेशी युवकको भूमिकामा जीवन्त अभिनय गरेका थिए । यो फिल्मपछि उनले आफ्नो करिअर फर्केर हेर्नुपरेको छैन ।

बलिउड अभिनेता अर्जुन कपूरलाई कोरोना संक्रमण पुष्टि भएको छ । आइतवार उनी स्वयंमले सामाजिक सञ्जालमार्फत् यो कुराको जानकारी दिएका हुन् । उनले इन्स्टाग्राममा लेखेका छन्, ‘म ठीक छु र मेरो लक्षण एसिम्प्टोम्याटिक हो । मैले घरमा आफैंलाई क्वारेन्टाइन गरेको छु । म आफ्नो हेल्थ अपडेट दिँदै गर्नेछु ।’ उनको कोरोना परीक्षणको रिपोर्ट आइतवार मात्र आएको हो ।

गत वर्ष प्रदर्शनमा आएको फिल्म ‘रातो टीका निधारमा’ पछि अभिनेत्री साम्राज्ञी राज्यलक्ष्मी शाहले करीब ६ महिना कुनै फिल्म साइन गरिनन् । गएको महिना एक नयाँ फिल्मका लागि कागजी सम्झौता गरेकी उनले डेढ वर्ष अगाडि हेमराज विसीको फिल्म पनि साइन गरेकी थिइन् । यसबीच, उनलाई ‘प्रेमगीत’ सिरिज निर्माण कम्पनी आशुसेन फिल्मस्ले फिल्म ‘हुतुतु’ अफर गरेको छ ।

नेपाली फिल्मका ब्रान्ड निर्देशक हुन्, सुदर्शन थापा । लभस्टोरी फिल्ममा माइलस्टोन सावित भएका ‘मेरो एउटा साथी छ’ र ‘प्रेमगीत’ जस्तो उम्दा फिल्म दिएर दर्शकको विश्वास जितेका उनी आइतवार आफ्नो जन्मदिन मनाउँदैछन् । ३७ वर्षमा प्रवेश गरेका उनको सेप्टेम्बर ६, १९८३ मा जन्म भएको हो । उनले ‘अझै पनि’ र ‘चंखे शंखे पंखे’ फिल्ममा अभिनय पनि गरेका थिए ।

सयभन्दा बढी फिल्ममा द्वन्द्व कलाकारको रुपमा काम गरेका सुरेश सिंह पुजारीको निधन भएको छ । फिल्म निर्माता समेत रहेका उनको शनिवार साँझ काठमाडौंको त्रिपुरेश्वरस्थित ब्लू क्रस अस्पतालमा निधन भएको चलचित्र प्राविधिक संघका अध्यक्ष पुष्कर लामाले जानकारी दिएका छन् । घरमा अचानक बेहोस भएर ढलेपछि उनलाई परिवारका सदस्यले अस्पताल लगेका थिए । 

हलिउडका सबैभन्दा ठूला सुपरहिरोमध्ये एक ‘ब्याटम्यान’ कोरोनाको शिकार भएका छन् । फिल्म ‘ब्याटम्यान’ का अभिनेता रोबर्ट प्याटिनसनलाई कोरोना संक्रमण भएको हो । उनलाई कोरोना संक्रमण पुष्टि भएपछि ‘ब्याटम्यान’ फिल्मको छायांकन स्थगित भएको छ भने प्रदर्शन मिति पनि पछाडि धकेलिएको छ । यो फिल्मको केही हप्तायता लण्डनमा छायांकन भइरहेको थियो ।