Nepal's No.1 Filmy Web Magazine
नेपाली फिल्ममा केही वर्षयता चकलेटी हिरोहरुको हालीमुहाली छ । आर्यन सिग्देल, जीवन लुईंटेल जस्ता अभिनेताको दबदबा तोड्दै नेपाली फिल्ममा आएका अनमोल केसी, प्रदीप खड्का, पल शाहलगायतका अभिनेताले अहिले आफ्नो वर्चश्व कायम गरेका छन् । तर, चकलेटी अभिनेता सबैको करिअर सुखद भने छैन । कति अझै आफूलाई दर्शकमाझ चिनाउन संघर्ष गरिरहेका छन् ।
नेपाली हास्यव्यंग्यका धरोहर हरिवंश आचार्य बिहीवारबाट ६३औं वर्षमा प्रवेश गरेका छन् । वि.सं. २०१४ कार्तिक २७ गते काठमाडौं गैरीधारामा पिता होमञ्जय आचार्य र माता गणेशकुमारी आचार्यको कोखबाट जन्मिएका उनले बाल्यकालमा अनेकौं दुख झेलेका छन् । बैंशालु उमेरबाटै कलाकारितामा होमिएका उनी तीन दशकभन्दा लामो समयदेखि कलाकारितामै सक्रिय छन् ।
अक्षय कुमार र कियारा आडवाणी अभिनीत फिल्म ‘लक्ष्मी’ यही ९ नोभेम्बरबाट ओटीटी प्लेटफर्म डिज्नीं हटस्टारमा रिलिज भएको छ । रिलिजको केही घन्टामा नै फिल्मले भ्यूअरसिपको रेकर्ड बनाएको छ । डिज्नीं हटस्टारले यो कुराको जानकारी दिँदै इन्स्टाग्राममा लेखेको छ, ‘केही घन्टामा नै फिल्मले कुनै बलिउड फिल्मले ओटीटी प्लेटफर्ममा बनाएको सारा रेकर्ड तोडेको छ ।’
निर्देशक तथा कलाकार आकाश अधिकारीले नेपाल उद्योग वाणिज्य महासंघको आसन्न निर्वाचनमा केन्द्रिय सदस्यमा उम्मेदवारी दिने घोषणा गरेका छन् । दुई दशकभन्दा लामो समयदेखि फिल्म क्षेत्रमा सक्रिय उनले बरिष्ठ उपाध्यक्षका उम्मेदवार चन्द्र ढकालको प्यानलबाट उम्मेदवारी घोषणा गरेका हुन् । ११ र १२ मंसिरमा महासंघको वार्षिक साधारणसभा र निर्वाचन हुँदैछ ।
रंगीन दुनियाँमा मित्रता र दुश्मनी दिगो हुँदैन भन्ने गरिन्छ । यहाँ कुन विन्दूमा दुश्मनी मित्रतामा परिणत हुन्छ र कहिले घनिष्ट मित्रता दुश्मनीमा बदलिन्छ, कुनै टुंगो हुँदैन । कतिपय भने सम्बन्ध राम्रो नहुँदा नहुँदै पनि देखावटी रुपमा असल बन्ने प्रयास गरिरहेका छन् । फिल्म क्षेत्रमा विशेषगरि कलाकार र निर्देशक-निर्माताबीचको खटपटका खबरहरु बाक्लै बाहिर आउने गरेका छन् ।
कोरोना भाइरसका कारण विगत आठ महिनादेखि फिल्म क्षेत्र ठप्प छ । दशैंदेखि केही फिल्मको छायांकन सुरु भए पनि सिनेमा हल बन्दै छन् । सिनेमा हल खोल्दा कोरोना संक्रमण फैलिने भयले फिल्म क्षेत्रमा लगाइएको प्रतिबन्ध फुकुवा भएको छैन । सरकारले फिल्म छायांकनका लागि पनि अनुमति भने दिएको छैन । तर, निर्माताहरु सावधानीपूर्वक छायांकन गरिरहेका छन् ।
