Nepal's No.1 Filmy Web Magazine

टि-सिरिज र कलर येलो प्रोडक्सनले अनिरुद्ध अय्यरको निर्देशनमा निर्माण गर्न लागेको फिल्म ‘एक्सन हिरो’ का लागि आयुष्मान खुरानालाई रोजेको छ । आनन्द एल राय, भूषण कुमार र कृष्ण कुमारले निर्माण गर्ने यस फिल्ममा काम गर्न आयुष्मान निकै उत्साहित छन् । पहिलो पटक एक्सन अवतारमा प्रस्तुत हुन लागेका कारण यो फिल्म उनका लागि निकै चुनौतीपूर्ण मानिएको छ । 

निर्देशक शोभित बस्नेतले फिल्म ‘डाँडाको बरपीपल’ को गीत रिलिज कार्यक्रममा अभिनेता राजेश हमाललाई दिइएको ‘महानायक’ पदवीमाथि प्रश्न उठाएपछि ठूलै विवाद जन्मियो । यो विवाद यतिसम्म चर्कियो कि उनकै फिल्मलाई दर्शकले बहिस्कार गर्नेसम्मको कुरा उठाए । यसबाट डराएर शोभितले ट्रेलर सार्वजनिक कार्यक्रममा अबदेखि राजेश हमाललाई ‘महानायक’ मान्ने वाचा नै गरे ।

अभिनेत्री मलिका महतले लामो समयको अन्तरालपछि नयाँ फिल्म साइन गरेकी छन् । अभिनेता राजेश हमालको मुख्य भूमिका रहने फिल्म ‘सत्यम्’ मा उनी अनुबन्ध भएकी हुन् । फिल्ममा उनको जोडी अभिनेता पल शाहसँग बाँधिनेछ । गत वर्ष ‘फूलबुट्टे सारी’ गीतको म्यूजिक भिडियोमा अभिनय गरेपछि दर्शकको ‘फेभरेट’ बनेको यो जोडीले पहिलो पटक फिल्ममा एकसाथ काम गर्न लागेको हो ।

दक्षिण भारतीय फिल्मकी प्रख्यात अभिनेत्री सामन्था प्रभु अक्किनेनी यतिबेला आफ्नो पर्सनल लाइफका कारण चर्चामा छिन् । हालै उनको नागा चैतन्यसँग डिभोर्स भएको छ । विवाह बन्धनमा बाँधिएको ४ वर्षमै उनीहरुले वैवाहिक सम्बन्ध टुंग्याउने निर्णय गरेका हुन् । तेलुगू इन्डस्ट्रीमा उनीहरुलाई ‘आदर्श जोडी’ भनिन्थ्यो । यो जोडीको डिभोर्सको खबर अझै धेरैले पत्याउन सकेका छैनन् ।