Nepal's No.1 Filmy Web Magazine
निर्देशक आकाश अधिकारी र अभिनेत्री उमा गिरीले नयाँ फिल्ममा सहकार्य गर्ने भएका छन् । केही दिन अगाडि सार्वजनिक भएको ‘त्यो तिम्रो चोखो प्रेमको नजरमा’ गीतमा अनस्क्रिन रोमान्स गरेका उनीहरुले संयुक्त रुपमा नयाँ फिल्म बनाउन लागेका हुन् । उमाका अनुसार, अहिले फिल्मको स्क्रिप्टमा काम भइरहेको छ । फिल्मलाई नेपाल र सिक्किममा खिचिने उनले बताइन् ।
अभिनेता तथा चर्चित गायक प्रशान्त तामाङलाई मातृशोक परेको छ । उनकी आमा रुपा तामाङको कोरोना भाइरसका कारण निधन भएको जानकारी प्राप्त छ । दार्जिलिङको एक अस्पतालमा उपचारको क्रममा उनको मृत्यु भएको हो । कोरोना संक्रमणका कारण निधन भएकाले प्रशान्तले अन्तिम पटक आमाको मुख समेत हेर्न पाएनन् । आमाको निधनले उनी विक्षिप्त भएका छन् ।
फिल्ममा प्रवेश गर्न जति कठोर संघर्ष गर्नुपर्छ, त्योभन्दा मुश्किल छ यसैमा लामो रेसको घोडा बन्न । नेपाली फिल्ममा वर्षेनी नयाँ अनुहारको प्रवेश बढ्दो छ । पछिल्लो समय हरेक नयाँ फिल्ममा नायक वा नायिका ‘फ्रेस फेस’ हुने गरेका छन् । तर, सफलता भने एकाधले मात्र पाउँछन् । अरु गुमनाम झैँ हुन्छन् । पहिलो फिल्मबाट चम्किएका र हराएका अनुहार यहाँ अनगिन्ती छन् ।
चिनियाँ मुलकी निर्देशक क्लोइ झाओले ९३औं अस्कर अवार्डमा इतिहास रचेकी छन् । उनी निर्देशित फिल्म ‘नोम्याडल्यान्ड’ ले उत्कृष्ट निर्देशक, उत्कृष्ट अभिनेत्री र उत्कृष्ट फिल्म गरी तीन महत्त्वपूर्ण अवार्ड आफ्नो पोल्टामा पारेको छ । अस्करको इतिहासमा उत्कृष्ट निर्देशकको अवार्ड जित्ने उनी दोस्रो महिला हुन् । यसअघि निर्देशक क्याथरिन बिगलोले यो विधामा अवार्ड जितेकी थिइन् ।
निर्देशक दीवाकर भट्टराई बैशााख ५ गतेबाट फिल्म ‘तिमीसँगै हुने मन छ’ को छायांकन सुरु गर्ने तयारीमा थिए । तर, कोरोनाको दोस्रो लहर सुरु भएपछि फिल्मको छायांकन पोस्टपोन्ड गरिएको छ ।
अभिनेत्री मिरुना मगर आफ्नो करिअरलाई अगाडि बढाउन एउटा हिट फिल्मको पखाईमा छिन् । डेब्यू फिल्म ‘लालपूर्जा’ देखि पछिल्लो रिलिज फिल्म ‘चच हुईं’ सम्म आइपुग्दा सफलताबाट बन्चित भएकी उनी अभिनयको मामलामा भने अब्बल मानिन्छिन् । उनको सुन्दरताको पनि निकै प्रशंसा हुने गरेको छ । तर, लगातार फिल्म असफल हुँदा उनको करिअरमा संकट छाएको छ ।
