Nepal's No.1 Filmy Web Magazine
हास्य साम्राज्ञीको उपाधि पाएकी बसुन्धरा भुषालले ६ महिना अगाडि अमेरिका भ्रमणको क्रममा उठेको ३ लाख २० हजार रुपैयाँ ‘चलचित्रकर्मी कल्याणकारी कोष’ मा हस्तान्तरण गरेकी छन् । बुधवार उनले चलचित्र विकास बोर्डका अध्यक्ष दयाराम दाहाल र बोर्डका सदस्य सचिव महेन्द्र प्रसाद साँखीलाई अमेरिकामा बसोबास गर्ने नेपालीबाट प्राप्त भएको रकम हस्तान्तरण गरेकी हुन् ।
मिस भारत र मिस हिमालयनकी फस्ट रनरअप रहेकी शिवानी गिरीले २०७५ सालमा प्रदर्शन भएको फिल्म ‘कहिँ कतै’ बाट अभिनेत्रीको रुपमा डेब्यू गरेकी हुन् । फिल्मलाई उनकी आमा उमा गिरीले निर्माण गरेकी थिइन् । बाल्यकालदेखि अभिनयमा रुची रहेकी शिवानीमा डेब्यू फिल्मबाट ठूलो आश थियो । तर, कमजोर धरातलमा टेकेर बनेको फिल्मले दर्शक रिझाउन सकेन ।
केही दिनयता अभिनेता कार्तिक आर्यन र निर्माता करण जोहरबीचको मनमुटावको खबरले सिंगो बलिउड तातेको छ । फिल्म ‘दोस्ताना २’ को २० दिनको छायांकन गरेपछि कार्तिकले अचानक फिल्मबाट हात झिके । यसपछि धर्मा प्रोडक्सनले अब कार्तिक फिल्मको हिस्सा नरहेको भन्दै स्टेटमेन्ट जारी गर्यो । करणले भविष्यमा कार्तिकसँग काम नगर्ने समेत घोषणा गरेका छन् ।
कोरोनाको जोखिम बढेको भन्दै सरकारले बैशाख १६ गतेबाट निषेधाज्ञा घोषणा गरेपछि फिल्मका सुटिङ प्रभावित भएका छन् । राजधानीभन्दा बाहिर छायांकन भइरहेका फिल्मको अधुरैमा सुटिङ रोकेर निर्माण टिम काठमाडौं फर्किन थालेका छन् । अभिनेता प्रदीप खड्काको मुख्य भूमिका रहेको फिल्म ‘प्रकाश’ को टिम भने सम्पूर्ण छायांकन सकेर जुम्लाबाट काठमाडौंतर्फ हिँडेको छ ।
फिल्म निर्माता तथा वितरक गोविन्द शाहीलाई काठमाडौं जिल्ला अदालतले सफाइ दिएको छ । मंगलवार ठगी मुद्धामा उनलाई अदालतले ‘क्लिन चिट’ दिएको हो । फिल्म ‘लिलिबिली’ बाट उठेको ८७ लाख ७४ हजार ७ सय ६५ रुपैयाँ (शेयर) नदिएको र नदेखाएको भन्दै २०७६ को कात्तिकमा निर्देशक मिलन चाम्स र निर्माता सुदीप खड्काले उनीविरुद्ध प्रहरीमा उजुरी दिएका थिए ।
फिल्म ‘रणवीर’ बाट अभिनेत्रीको रुपमा डेब्यू गरेकी सुपुष्पा भट्टले इन्गेजमेन्ट गरेकी छन् । बुधवार ‘कबड्डी’ निर्माता रौनिक विक्रम कँडेलसँग उनले औंठी साटेकी हुन् । काठमाडौंको गैरीधारास्थित ‘सिल्भर वक बैंक्वेट’ मा सम्पन्न इन्गेजमेन्ट समारोहमा दुई पक्षका परिवारको मात्र उपस्थिति रहेको थियो । एक वर्षदेखि प्रेममा रहेका सुपुष्पा र रौनकले यसै वर्ष विवाह गर्ने जानकारी प्राप्त छ ।
