Nepal's No.1 Filmy Web Magazine

अनलाइन पत्रकारीताको क्षेत्रमा नयाँ आयाम बनेर आएको फिल्मीखबर डटकम आज (मंगलबार) बाट १३औं बर्षमा प्रवेश गरेको छ । नेपाली फिल्म उद्योगको प्रर्वद्धनमा निरन्तर यात्रारत यस अनलाइनमा ईस्वी संवत ९ जुन २००९ बाट औपचारिक रूपमा समाचार सम्प्रेषण हुन थालेको थियो । 

अभिनेत्री एभलिन शर्माले गुपचुप रुपमा विवाह गरेकी छन् । यामी गौतमकै शैलीमा उनले पनि सिधै सोसल मिडियाबाट विवाहको तस्विर शेयर गरेकी हुन् । फिल्म ‘ये जवानी है दीवानी’ मा काम गरेपछि चर्चामा आएकी उनले प्रेमी तुषान भिन्डीलाई जीवनसाथी बनाएकी हुन् । उनीहरु लामो समयदेखि प्रेममा थिए । अहिले यो जोडीलाई सामाजिक सञ्जालमा बधाईको ओहिरो लागेको छ ।

अभिनेता पल शाह अभिनयसँगै सामाजिक कार्यमा पनि सक्रिय छन् । गत वर्ष लकडाउनको समयमा उनले फिल्म प्राविधिकका लागि ५ लाख बराबरको खाद्यान्न सहयोग गरेका थिए भने बाढी पहिरो पीडितलाई पनि राहत वितरण गरेका थिए । कोरोनाको दोस्रो लहर सुरु भएसँगै यतिबेला उनी कोरोनाका बिरामीका लागि निःशुल्क अक्सिजन जुटाउन दिन-रात नभनी खटिरहेका छन् । 

फिल्म ‘पिंजडा’ बाट सानदार डेब्यू गरेका अभिनेता निखिल उप्रेतीले आफ्नो समयमा दुई सयभन्दा बढी फिल्ममा काम गरे । तीमध्ये प्रायः फिल्मले निर्मातालाई धनी बनाएका छन् । एक समय उनको टाउको पोस्टरमा राखेको भरमा फिल्म सुपरहिट हुन्थे । उनका फिल्म हेर्न सिनेमा हलमा दर्शकको तछाडमछाड हुन्थ्यो । तर, समय सधैं एकनाशले चल्दैन । उतार-चढाव आइरहन्छ ।

साउथका स्टाइलिस स्टार अल्लू अर्जुन अभिनीत नयाँ फिल्म ‘पुष्पा’ लामो समयदेखि चर्चामा छ । कहिले फिल्मको कथावस्तुलाई लिएर त कहिले स्टार कास्टका कारण । फिल्मको धमाकेदार टिजर समेत रिलिज भइसकेको छ । यसबीच, फिल्मका मेकरले ठूलो घोषणा गरेका छन् । अब फिल्मलाई दुई पार्टमा रिलिज गरिने भएको छ र दोस्रो पार्टको पनि छायांकन पूरा भइसकेको छ ।  

फिल्म क्षेत्रका गतिविधि ठप्प हुँदा सबैभन्दा बढी समस्यामा प्राविधिकहरु परेका छन् । दैनिक फिल्ममा श्रम गरेर परिवारको गुजरा चलाउँदै आएका उनीहरु निषेधाज्ञापछि घरभित्रै सीमित छन् । जसले गर्दा प्रायः प्राविधिकको घरमा चुल्हो समेत बल्न छाडेको छ । फिल्म निर्माणका मेरुदण्ड मानिने प्राविधिकहरु समस्यामा परेको खबर सुनेपछि फिल्मकर्मीहरुबाट सहयोग जुटिरहेको छ ।