Nepal's No.1 Filmy Web Magazine
कोरोना महामारीका कारण फिल्म निर्माण ठप्प हुँदा अधिकांश कलाकार बेरोजगार छन् । महिनौंदेखि घरभित्रै सीमित हुनुपर्दा धेरैलाई छट्पटि भएको छ । यो समयमा उनीहरुलाई सबैभन्दा बढी सुटिङ सेट मिस भइरहेको छ । फेरि कहिले एक्सन-कटमा रमाउन पाइन्छ भन्ने प्रतिक्षामा कलाकार छन् । तर, अझै केही समय फिल्म क्षेत्रमा कुनै प्रकारको गतिविधि हुने सम्भावना न्यून छ ।
बलिउडमा साउथ फिल्मको रिमेक बनाउने ट्रेन्ड नै चलेको छ । हिन्दी रिमेकले बक्सअफिसमा राम्रो कमाई गरेका कारण पनि यसतर्फ निर्माता/निर्देशकको आकर्षण बढ्दो छ । यस्तैमा, तेलुगूको ब्लकबस्टर फिल्म ‘हिट’ को पनि हिन्दी रिमेक निर्माण हुने भएको छ । फिल्ममा राजकुमार राव फाइनल भइसकेका छन् भने उनको जोडीको रुपमा सान्या मल्होत्रा देखिने भएकी छन् ।
बिहीवार साँझ आफू बस्ने अपार्टमेन्टमा मृत फेला परेकी अभिनेत्री जेनी कुँवरको अन्त्येष्टि गरिएको छ । उनको शुक्रवार दिउँसो पशुपति आर्यघाटमा अन्त्येष्टि गरिएको हो । काठमाडौंको टिचिङ अस्पतालमा पोस्टमार्टमपछि अन्तिम श्रद्धाञ्जलीका लागि उनको पार्थिव शरीर पशुपति आर्यघाटमा राखिएको थियो । उनलाई श्रद्धाञ्जली अर्पण गर्न फिल्म क्षेत्रका विभिन्न व्यक्तिहरु पुगेका थिए ।
विगत एक वर्षदेखि मानसिक रोगसँग जुधिरहेकी थिइन्, अभिनेत्री जेनी कुँवर । नियमित औषधी सेवन गर्दै आएकी उनी ६ महिना विपश्यनामा समेत बसेकी थिइन् । तर, डिप्रेसनसँग लड्दा लड्दै उनले आत्महत्याको बाटो रोजेकी छन् । बिहीवार साँझ काठमाडौं थापागाउँस्थित आफू बस्ने सनराइज सिटी अपार्टमेन्टमा उनी नाइलनको डोरीमा झुन्डिएको अवस्थामा भेटिएकी हुन् ।
नेपाली फिल्मकी अभिनेत्री जेनी कुँवरले देहत्याग गरेकी छन् । बिहीवार साँझ ९ बजे काठमाडौंको थापागाउँस्थित आफू बस्ने सनराइज सिटी अपार्टमेन्टमा उनी झुन्डिएको अवस्थामा भेटिएकी हुन् । उनले आत्महत्या गरेको प्रहरीको प्रारम्भीक अनुसन्धानमा खुलेको छ । जेनी विगत १ बर्षदेखि डिप्रेशनमा रहेको बताइएको छ । घटनास्थलबाट प्रहरीले ‘सुसाइड नोट’ समेत भेटाएको छ ।
बुधवार ९८ वर्षको उमेरमा निधन भएका बलिउड अभिनेता दीलिप कुमारलाई निर्देशकको रुपमा काम गर्ने पनि ठूलो सपना थियो । उनले सन् १९९६ मा आफ्नो सपना पूरा पनि गरे । उनले पहिलो पटक फिल्म ‘कलिंग’ को निर्देशन गरेका थिए । तर, दुर्भाग्य ! न यो फिल्म रिलिज हुन सक्यो न त अहिलेसम्म छायांकन नै पूरा भएको छ । फिल्मको ७० प्रतिशत छायांकन मात्र सकिएको छ ।
