Nepal's No.1 Filmy Web Magazine
गत वर्ष कोरोना भाइरसको महामारीका कारण ९ महिना बन्द भएर खुलेको फिल्म क्षेत्र संक्रमणको दोस्रो लहर फैलिएसँगै फेरि बन्द भयो । गत बैशाखबाट सरकारले अनिश्चितकालका लागि फिल्म निर्माण र प्रदर्शनमा लगाएको प्रतिबन्ध चार महिना वितिसक्दा पनि फुकुवा हुने छाँटकाँट देखिएको छैन । तर, निषेधाज्ञा खुकुलो भएदेखि एकपछि अर्को फिल्म छायांकनमा निस्किरहेका छन् ।
बलिउडलाई विश्वको दोस्रो ठूलो फिल्म इन्डस्ट्री भन्ने गरिन्छ । त्यहाँ हरेक वर्ष एक हजारभन्दा बढी फिल्म निर्माण र रिलिज हुने गरेका छन् । बलिउड फिल्मले अन्य देशमा समेत आफ्नो बलियो पकड बनाइसकेको छ । क्यानडा, अमेरिका, यूरोपियन देश, अरब देशमा बलिउड फिल्म सर्वाधिक हेरिन्छ । पछिल्लो समय चीनमा समेत बलिउड फिल्मले आफ्नो बजार विस्तार गरेको छ ।
नेपाली फिल्म क्षेत्रमा कलाकारको अभिनयभन्दा पारिश्रमिकको बढी चर्चा हुन्छ । कुनै कलाकारले नयाँ फिल्म साइन गरेपछि पारिश्रमिकको खोजीनिती सुरु हुन्छ । कतिले फिल्ममा लिएको पारिश्रमिक आफैंले खुलाउने गरेका छन् भने प्रायः यसलाई गोप्य नै राख्न चाहन्छन् । पछिल्लो समय कलाकारहरुले फिल्मसँगै म्यूजिक भिडियो र विज्ञापनबाट समेत राम्रो आम्दानी गर्दै आएका छन् ।
विश्वभर शुक्रवार सिनेमा हलमा फिल्म रिलिज हुने परिपाटी छ । तर, कोरोना महामारी फैलिएयता नेपालमा यो क्रम रोकिएको छ । गत वर्ष लकडाउनभन्दा अगावै बन्द रहेका सिनेमा हल ९ महिनापछि खुले । संक्रमणको दोस्रो लहर फैलिएसँगै गत बैशाखबाट फेरि बन्द रहेका हल अब कहिलेबाट खुल्छन्, कुनै टुंगो छैन । जसले गर्दा रिलिजका लागि तयार दर्जनौं फिल्म अन्योलमा छन् ।
सन् २०१२ मा रिलिज भएको फिल्म ‘स्टू़डेन्ट अफ द ईयर’ बाट वरुण धवनलाई अभिनेताको रुपमा डेब्यू गराएका बलिउड निर्माता करण जोहरले अब वरुणकी भतिजी अन्जिनी धवनलाई इन्डस्ट्रीमा लञ्च गर्ने तयारी थालेका छन् । अन्जिनी, निर्देशक डेविड धवनका भाई अनिल धवनका छोरा सिद्धार्थ धवनकी छोरी हुन् । आफ्नो डेब्यू फिल्मका लागि उनले तयारी सुरु गरिसकेकी छन् ।
फिल्म ‘लाइफ इन एलए’ बाट नेपाली फिल्म क्षेत्रमा एक नयाँ अनुहार भित्रिएको छ, ब्यास बिस्सु । डेढ दशकदेखि अमेरिकालाई कर्मथलो बनाएका उनले यही फिल्मबाट नायकको रुपमा डेब्यू गरेका हुन् । गएको महिना तनहुँ क्षेत्रमा फिल्मको छायांकन सकियो । ७५ प्रतिशत अमेरिकामा खिचिएको फिल्मको बाँकी छायांकन काठमाडौँ, तनहुँको भिमाद र पोखरामा गरिएको हो ।
