Nepal's No.1 Filmy Web Magazine
कलाकार निशा घिमिरेको मृत्यु भएको छ । विगत तीन महिनादेखि काठमाडौंको थापाथलीस्थित नर्भिक अस्पतालमा उपचाररत उनको बुधबार साँझ मृत्यु भएको अस्पतालले जनाएको छ । मंगलवार मात्र नर्भिक अस्पतालले सबै प्रयासका बाबजुद पनि उनको स्वास्थ्य अवस्थामा अपेक्षित सुधार हुन नसकेको बताएको थियो । पछिल्लो समय उनको मुटु र मिर्गौलाले काम गर्न छोडेको थियो ।
अहिलेका चल्तीका तीन स्टार सौगात मल्ल, अनमोल केसी र पुष्प खड्का पहिलो पटक फिल्ममा एकसाथ देखिने तयारीमा छन् । मुकुन्द भट्टको निर्देशनमा बन्न लागेको एक्सन-थ्रिलर फिल्म ‘एक्स ९’ मा उनीहरुले एकसाथ अभिनय गर्न लागेका हुन् । फिल्ममा उनीहरु एक्सन अवतारमा प्रस्तुत हुनेछन् । यसका लागि तीनै स्टारले बुधवार (आज) बाट एक्सन तालिम लिन सुरु गरेका छन् ।
कोरोनाको दोस्रो लहर फैलिएसँगै गत बैशाखदेखि बन्द रहेका काठमाडौं, भक्तपुर र ललितपुरका सिनेमा हलहरु बिहीवारबाट खुल्ने भएका छन् । काठमाडौंसहित उपत्यकका तीन जिल्ला प्रमुखको बुधवार बसेको बैठकले स्वास्थ्य सुरक्षाको विधि पालना गरेर सिनेमा हल खोल्न अनुमति दिएको हो । प्रशासन कार्यालयले हल खोल्न अनुमति दिएकोमा फिल्मकर्मीले खुसी व्यक्त गरेका छन् ।
राजेश हमालले नेपाली फिल्ममा पाइला टेक्दा संख्यात्मक रुपमा एक दर्जन फिल्म पनि बनेका थिएनन् । फिल्म ‘युगदेखि युगसम्म’ बाट डेब्यू गर्दैगर्दा उनलाई दोस्रो फिल्म कहाँबाट आउँछ भन्नेसम्म थाहा थिएन । उनले अँध्यारो कुवामा हामफालेका थिए । दुई वर्षको पखाईपछि उनले दोस्रो फिल्म पाए, ‘देउता’ । यो फिल्मपछि त उनले करीब दुई दशक फुर्सदको सास पनि फेर्न पाएनन् ।
तीन वर्षअघि भारतको देहरादूनमा सवारी दुर्घटनामा परेर गम्भीर घाइते भएकी अभिनेत्री निशा घिमिरेको गत जेठदेखि नर्भिक अस्पतालमा उपचार भइरहेको छ । तर, उनको स्वास्थ्य अवस्था अझै स्थिर रहेको अस्पतालले जनाएको छ । मंगलवार आयोजित पत्रकार सम्मेलनमा निशाको उपचारमा संलग्न डा. पंकज जलानले तीन महिनामा उनको स्वास्थ्यमा खासै सुधार नआएको बताए ।
