Nepal's No.1 Filmy Web Magazine

ड्रग्स मामलामा धर्मा प्रोडक्सनका दुई व्यक्तिसँग एनसिबीले सोधपुछ गरेपछि निर्देशक तथा निर्माता करण जोहरले स्पष्टिकरण दिएका छन् । शुक्रवार उनले ट्विटरमार्फत् आफ्नो भनाई सार्वजनिक गर्दै भनेका छन्, ‘म न ड्रग्स लिन्छु न त यसलाई प्रमोट नै गर्छु । म र मेरो परिवारको बारेमा, साथीहरु र धर्मा प्रोडक्सनको बारेमा अहिले जुन कुराहरु भइरहेको छ, त्यो सबै बकवास हो ।’

भर्सटायल अभिनेताको रुपमा आफ्नो पहिचान बनाएका सौगात मल्ल र अर्पण थापा अभिनीत फिल्म ‘तीन जन्तु’ को शनिवार फस्टलुक टिजर सार्वजनिक भएको छ । ५० सेकेण्डको टिजरमा फिल्मको मुल द्वन्द्व प्रस्ट्याउन खोजिएको छ । टिजर हेर्दा फिल्म सस्पेन्स थ्रिलर कथामा निर्माण भएको बुझ्न सकिन्छ । २०३० सालमा एक घरभित्र भएको घटनालाई फिल्ममा उतारिएको छ ।

कुनै समय नेपाली फिल्ममा एकलौटी राज गरेकी अभिनेत्री निरुता सिंह शनिवार आफ्नो ४८औं जन्मदिन मनाउँदैछिन् । सन् १९७२ सेप्टेम्बर २६ तारिखका दिन भारतको, दार्जिलिङमा जन्मिएकी उनले तुलसी घिमिरे निर्देशित फिल्म ‘दक्षिणा’ बाट अभिनेत्रीको रुपमा डेब्यू गरेकी हुन् । पहिलो फिल्म नै बक्सअफिसमा सफल भएपछि उनी सर्वाधिक डिमान्डेड अभिनेत्री बनेकी थिइन् ।

नेपाली फिल्मका छायाँकार जावेद शाहको निधन भएको छ । उनको बुधबार काठमाडौंको क्षेत्रपाटीस्थित आफ्नै निवासमा निधन भएको हो । ७० वर्षको उमेरमा हृदयघातका कारण निधन भएका उनको विहीवार मुश्लिम परम्परा अनुसार अन्तिम दाह संस्कार भइसकेको छ । उनको निधनको खबर भने शुक्रवार मात्र बाहिरिएको हो । छायाँकार शाहको श्रीमती र दुई छोरा छन् ।

अभिनेता शाहिद कपूर अहिले करिअरको उत्कर्षमा छन् । फिल्म ‘कबीर सिंह’ ब्लकबस्टर भएपछि उनलाई ठूला ब्यानरबाट फिल्म अफर भइरहेको छ । हरेक ठूला निर्देशकले उनलाई आफ्नो फिल्ममा लिन चाहेका छन् । ‘कबीर सिंह’ को सफलतापछि उनले आफ्नो पारिश्रमिक पनि दोब्बर बढाएका छन् । कोरोना महामारीभन्दा अगाडि उनी ‘जर्सी’ को हिन्दी रिमेकमा व्यस्त थिए ।

कोरोनाका कारण जारी लकडाउनको समयमा सबैभन्दा धेरै कमाई गर्ने नेपाली कलाकार को होला ? जो कोहीले यसको जवाफ फ्याट्ट दिन सक्छन्- पल शाह । लकडाउन खुकुलो भएपछि उनले म्यूजिक भिडियोबाट लाखौं छापे । फिल्म र म्यूजिक भिडियोमा राम्रो माग भएका उनले लकडाउन भएयता दुई दर्जन बढी भिडियोमा अभिनय गरेका छन्, जुन यूट्युबमा रुचाइएका पनि छन् ।