Nepal's No.1 Filmy Web Magazine

लभर गर्लको भूमिकामा सर्वाधिक रुचाइएकी अभिनेत्री नम्रता श्रेष्ठ फिल्म छनौटमा चुजी मानिन्छिन् । आफ्नो भूमिका र स्क्रिप्ट बलियो भएको खण्डमा मात्र उनी फिल्म गर्न राजी हुन्छिन् । वर्षमा एउटा मात्र फिल्ममा काम गर्ने उनी ‘मेरो एउटा साथी छ’ को सफलतापछि लभस्टोरी फिल्ममा पहिलो रोजाई बन्न थालेकी थिइन् । अहिले उनलाई महंगी अभिनेत्री समेत भन्ने गरिएको छ । 

अहिलेका चल्तीका अभिनेता प्रदीप खड्का र फिल्म ‘प्रेमगीत ३’ बाट अभिनेत्रीको रुपमा डेब्यू गर्न लागेकी कृष्टिना गुरुङ प्रभु बैंकको ‘ब्रान्ड एम्बास्डर’ मा नियुक्त भएका छन् । बैंकले उनीहरुलाई एक वर्षको लागि ब्रान्ड एम्बास्डरमा नियुक्ति गरेको हो । 

सरकारले सिनेमा हल खोल्न अनुमति दिएको अवस्थामा यही दशैंमा प्रदर्शनमा आउने तयारीमा रहेका फिल्म ‘लक्ष्मी पूजा’ को टिजर सार्वजनिक भएको छ । टिजरमार्फत् फिल्मको मुल द्वन्द्व प्रस्ट्याउन खोजिएको छ । सस्पेन्स र बदलाको कथामा निर्माण भएको फिल्ममा अभिनेत्री जाहान्वी बस्नेत दोहोरो भूमिकामा प्रस्तुत छिन् । टिजरमा उनलाई नै विशेष प्राथमिकता दिइएको छ । 

एक समय नेपाली फिल्ममा एकछत्र आफ्नो प्रभुत्व जमाएका अभिनेता राजेश हमाल विगत ४ वर्षदेखि काँचको पर्दाबाट टाढा छन् । आफूले आश गरेका दुई फिल्म ‘बागमती’ र ‘शकुन्तला’ को असफलतापछि फिल्म छनोटमा गम्भीर भएका उनी अब हतारमा फिल्म गरेर फुर्सदमा पछुताउने पक्षमा छैनन् । यसैले उनी आफ्नो भूमिका शक्तिशाली भएको फिल्म कुरेर बसेका छन् ।

अभिनेता सुशान्त सिंह राजपूतको मृत्यु प्रकरणमा जब ड्रग्सको विषयमा जाँच सुरु भयो तबदेखि बलिउडका ठूला हस्तीहरुको नाम बाहिर आउन थालेको छ । दीपिका पादुकोण, श्रद्धा कपूर र सारा अली खानसँग त एनसिबीले सोधपुछ समेत गरिसकेको छ । ड्रग्स मुद्दामा एकपछि अर्का कलाकार मुछिन थालेपछि अहिले आम मानिसको बलिउडलाई हेर्ने नजरमा परिवर्तन आएको छ ।