Nepal's No.1 Filmy Web Magazine
बलिउड सुपरस्टार सलमान खान आइतवारबाट ५५ वर्षका भएका छन् । उनको जन्म भारतको इन्दौरमा २७ डिसेम्बर १९६५ मा बिहान १० बजेर ४५ मिनेटमा भएको थियो । उनको वास्तविक नाम अब्दुल रशीद सलीम सलमान खान हो । जिन्दगीमा कयौं उचारचढावको सामना गरेका उनी बलिउडका सबैभन्दा विवादित नायक मानिन्छन् । उनले जेल जीवन समेत विताएका छन् ।
नेपाल चलचित्र प्राविधिक संघले आयोजना गर्दै आएको नेफ्टा अवार्डको १०औं संस्करण यसै वर्ष हुने भएको छ । आउँदो फागुन अन्तिम साता अवार्ड कार्यक्रम आयोजना हुने प्राविधिक संघले एक विज्ञप्तिमार्फत् जानकारी गराएको छ । नेफ्टा अवार्ड गत वर्षको चैत १५ गते काठमाडौंस्थित टुँडिखेलमा गर्ने घोषणा गरिएको थियो । तर, कोरोनाका कारण अवार्ड स्थगित गरिएको थियो ।
मल्टीस्टारर फिल्म ‘एउटा यस्तो प्रेम कहानी’ को नयाँ गीत सार्वजनिक भएको छ । आइतवार सार्वजनिक भएको ‘हलाल’ बोलको आइटम गीतमा अभिनेत्री सुष्मा कार्कीले नृत्य गरेकी छन् । भिडियोमा उनी बोल्ड अवतारमा प्रस्तुत छिन् । गीतमा मिना निरौलाको स्वर, बी.बी थापाको शब्द र किशोर थापाको संगीत छ । भिडियोमा फिल्मका केही एक्सन दृश्य पनि समावेश गरिएको छ ।
कोरोनाका कारण ९ महिनादेखि बन्द रहेका सिनेमा हल शुक्रवारबाट सञ्चालनमा आएका छन् । केही सिनेमा हल प्राविधिक कारणले सञ्चालन हुन नसके पनि प्रायः हलले एक जना दर्शकलाई पनि फिल्म देखाएका छन् । निर्माताहरुले नयाँ फिल्म प्रदर्शन गर्ने जोखिम नउठाउँदा हल सञ्चालकहरु पुरानै फिल्म चलाएर दर्शकलाई सिनेमा हलसम्म आउने वातावरण तयार गर्दैछन् ।
निर्देशक, निर्माता तथा कलाकार पुरन थापाले आफ्नो जन्मदिनको अवसरमा नयाँ फिल्मको निर्माण घोषणा गरेका छन् । ‘पिरिम पर्या छन्’, ‘कान्छी मट्याङ ट्याङ’, ‘फेरि–फेरि’ लगायतका फिल्मसँगै थुप्रै टेलिसिरियलको निर्देशन गरिसकेका उनले कमेडी जनरामा निर्माण हुने फिल्म ‘तीन जुङ्गे’ को घोषणा गरेका हुन् । फिल्मको छायांकन माघ तेश्रो साताबाट सुरु हुने बताइएको छ ।
अहिलेका हटकेक अभिनेता प्रदीप खड्का कोरोना महामारीभन्दा अगाडि फिल्म ‘प्रेमगीत ३’ छायांकनमा व्यस्त थिए । फिल्मको प्रदर्शन मिति चैत अन्तिमलाई घोषणा गरिएको थियो । यसका लागि उनी प्रचार-प्रसारमा दौडिन तयारी अवस्थामा थिए । तर, सरकारले कोरोनाको संक्रमण फैलिन नदिन देश लकडाउन गरेपछि फिल्मको प्रदर्शन अनिश्चितकालका लागि रोकिएको छ ।
