Nepal's No.1 Filmy Web Magazine

निर्देशक सञ्जय लीला भन्सालीले वुधबार आफ्नो ५८औं जन्मदिनको अवसरमा फिल्म ‘गंगूबाई काठियावाडी’ को टिजर सार्वजनिक गरेका थिए । दर्शकहरुले फिल्मको टिजर निकै रुचाएका छन् । अब यो फिल्ममा अभिनेता अजय देवगनको प्रवेश भएको छ । उनले शुक्रवार फिल्म साइन गरेका हुन् । फिल्ममा उनी महत्त्वपूर्ण भूमिकामा देखिने भारतीय मिडियाले उल्लेख गरेका छन् ।

अभिनेत्री स्वस्तिमा खड्काले साउथ फिल्ममा डेब्यू गर्ने भएकी छन् । नेपाल र भारतमा छायांकन हुन लागेको दक्षिण भारतीय फिल्म ‘थिरिमाली’ मा उनले अभिनय गर्न लागेकी हुन् । बिहीवार राजधानीको एक होटलमा निर्माण टिमले उनीसँग कागजी सम्झौता गरेको हो । अहिले फिल्मको निर्देशक र निर्मातासहितको टोली लोकेशन र कलाकार छनोटका लागि नेपालमा छ ।

अभिनेता पल शाह र चलचित्रकर्मी महासंघ प्रदेश १ का अध्यक्ष अरुण प्रधानबीचको विवाद झन् चर्किँदै गएको छ । बिहीवार अध्यक्ष प्रधानले एक होटलमा खाना खाइरहेको समयमा आफूमाथि दुर्व्यवहार र कुटपिट गरेको भन्दै इलाका प्रहरी कार्यालय धरानमा पलविरुद्ध उजुरी दिएका थिए । पलका म्यानेजर कृष्णप्रसाद जोशीले आफूमाथि आक्रमण गरेको उनको आरोप छ ।

रामबाबु गुरुङ निर्देशित तथा निर्मित सुपरहिट फिल्म ‘कबड्डी’ को चौथौ सिक्वेल पनि निर्माण हुने भएको छ । गत वर्ष प्रदर्शनमा आएको ‘कबड्डी कबड्डी कबड्डी’ को सफलतापछि निर्माण टिम चौथो पार्टको तयारीमा जुटेको हो । शुक्रवार निर्देशक गुरुङले सामाजिक सञ्जाल फेसबुकमा फिल्मको एक थिम पोस्टर सार्वजनिक गर्दै ‘कबड्डी ४’ को औपचारिक निर्माण घोषणा गरेका हुन् ।