Nepal's No.1 Filmy Web Magazine

बलिउडका सफल निर्देशक मानिने सञ्जय लीला भन्सालीको फिल्म ‘बैजू बावरा’ यतिबेला चर्चामा छ । पहिला उनी यो फिल्ममा अभिनेता रणबीर कपूरलाई लिन चाहन्थे । तर, अब यो रोलका लागि अभिनेता रणवीर सिंह फाइनल भएका छन् । उनको अपोजिटमा भन्सालीले अभिनेत्री दीपिका पादूकोणको नाम विचार गरेका छन् । केही चरण उनीहरुबीच छलफल भइसकेको छ ।

नेपाल सरकारले फिल्मकर्मीका लागि कोरोनाविरुद्धको खोप उपलब्ध गराएको छ । निर्माता श्रीदेव विएलको पहलमा आइतवार पाटन ढोकास्थित पुरानो अशोक सिनेमा हलको परिसरमा फिल्मकर्मीलाई भेरोसेल खोपको पहिलो डोज लगाउन सुरु गरिएको हो । बिहान ९ बजेदेखि सुरु भएको खोप कार्यक्रम दिउँसो चार बजेसम्म चल्ने नेपाल चलचित्र कलाकार संघले जानकारी दिएको छ ।

दीपकराज गिरी र दीपाश्री निरौलाको समुहबाट बाहिरिएपछि हास्य कलाकार जितु नेपालले नयाँ फिल्म साइन गरेका छन् । फिल्म ‘ड्रिम्स’ का निर्माता कपिल रिजालले निर्देशन गर्न लागेको फिल्ममा उनी मुख्य भूमिकामा अनुबन्धित भएका हुन् । नाम गोप्य राखिएको फिल्ममा उनको जोडी अभिनेत्री साम्राज्ञी आरएल शाहसँग बाँधिनेछ । साम्राज्ञीले यसै हप्ता फिल्म साइन गरेकी हुन् । 

बलिउड अभिनेत्री लारा दत्ताले प्रदर्शनको पखाईमा रहेको फिल्म ‘बेलबटम’ मा भारतकी पूर्व प्रधानमन्त्री इन्दिरा गान्धीको भूमिका निभाएकी छन् । उनले यो चरित्र निर्वाह गर्नु आफ्नो लागि एकदमै ठूलो चुनौती र जिम्मेवारी रहेको बताएकी छन् । फिल्ममा इन्दिरा गान्धी जस्तो देखिन उनले दिनहुँ तीन घन्टासम्म मेकअप गर्नुपर्थ्यो । उनी यो चरित्र निर्वाह गरेर आफू सन्तुष्ट रहेको बताउँछिन् ।

नेपालमा कुनै कलाकारले गाडी किने भने सञ्चारमाध्यमले विशेष महत्त्व दिने गरेका छन् । तर, यसप्रति आपत्ति जनाउनेको भीड फिल्म क्षेत्रमा ठूलै छ । गत महिना अभिनेता पुष्प खड्काले ७० लाखको गाडी (क्रेटा) खरिद गरेको विषयमा प्रायः मिडियाले समाचार बनाउँदा एकथरी फिल्मकर्मीले ‘कहिँ नभएको जात्रा हाडी गाउँमा’ भन्दै फेसबुकमा आलोचनात्मक स्टाटस लेख्न भ्याए ।