Nepal's No.1 Filmy Web Magazine
अभिनेत्री दीया पुनले गत जेठ १३ गते संसारकै अग्लो शिखर सगरमाथाको आरोहण गरिन् । निर्मल पूर्जाको टोलीसँग सगरमाथाको चुचुरोमा पहिलो पटक पाइला टेकेकी उनले करीब ४० लाख व्यक्तिगत खर्चमा सगरमाथा चढेकी हुन् । उनी सगरमाथा आरोहण गर्नुको उद्देश्य तीनवटा सामाजिक संस्थाको च्यारिटीका लागि थियो । सगरमाथाको चुचुरोमा उनले राष्ट्रिय झन्डा फहराएकी थिइन् ।
गत साता तीन दिनको अन्तरालमा यूट्युब प्लेटफर्ममा सार्वजनिक भएका दुई गीत हुन्, फिल्म ‘बाबरी’को ‘बाबरी रंग’ र फिल्म ‘सम्हालिन्छ कहिले मन’को ‘जरुरी कुरा छ’ । यूट्युबमा रिलिज भए लगत्तै ‘सम्हालिन्छ कहिले मन’को गीतले आक्रामक भ्यूजसहित यूट्युबमा ट्रेन्डिङ यात्रा थालेको थियो । तर, ‘बाबरी’को गीतलाई तीन दिनमा दुई लाख भ्यूज कटाउन पनि धौ-धौ परेको थियो ।
बेलायतको शेफिल्ड डकफेस्टमा सहभागी हुन पाँच नेपाली महिला चलचित्र निर्माताहरू बेलायत जाने भएका छन् । बेलायतको तास्कोभस्की फिल्म्सको नेतृत्वमा रहेको ब्रिटिस काउन्सिलको जेन्डर फिल्म कार्यक्रम मार्फत नेपाल महिला चलचित्र निर्माताहरु र पामे चलचित्र तथा संगीत महोत्सवको सहकार्यमा यो प्रतिनिधिमण्डल बेलायत जान लागेको जारी प्रेस विज्ञप्तीमा बताईएको छ ।
