Nepal's No.1 Filmy Web Magazine
सन् २००० मा आएको फिल्म ‘कहो ना प्यार है’बाट आफ्नो करिअरको सुरुवात गरेका अभिनेता ऋतिक रोशनले एकसेएक हिट र सम्झनलायक फिल्म दिइसकेका छन् । ‘कृष’, ‘जोधा अकबर’, ‘सुपर ३०’, ‘काबिल’, ‘धूम’, ‘वार’, ‘जिन्दगी ना मिलेगी दोबारा’ जस्ता फिल्मबाट आफूलाई अभिनयसँगै नृत्य र एक्सनमा पनि अब्बल प्रमाणित गरेका उनी बलिउडका महंगा अभिनेतामध्येमा पर्छन् ।
नेपाली समाजले भोगेको एउटा कहालीलाग्दो कालखण्ड हो, माओवादी-सशस्त्र जनयुद्ध । जुन उद्देश्यका लागि जनयुद्ध भएको थियो, त्यसको प्राप्ति भयो वा भएन त्यो बहसको विषय रहला । तर, दश वर्षे जनयुद्धले छाडेका गहिरा घाउहरु अझै आला छन् । जनयुद्धमा मृत्यवरण गरेका वा बेपत्ता भएका परिवारले भोगिरहेको दुःख र पीडा जनयुद्धकालको समयभन्दा कम दर्दनाक छैनन् ।
आज गुरुपूर्णिमा । आफूलाई शिक्षा र ज्ञान प्रदान गर्ने गुरुको सम्मानमा गुरुपूर्णिमा मनाइने गरिन्छ । अध्याँरोबाट उज्यालोतर्फ लग्ने पात्रलाई सम्मानपूर्वक गुरु भनिन्छ । गुरु पूर्णिमाको अवसरमा प्रायःले सामाजिक सञ्जालमार्फत् आ-आफ्ना गुरुलाई सम्झिएका छन् भने कतिले भेटेरै गुरुको आर्शिवाद लिएका छन् । फिल्मकर्मीहरुले पनि आफ्ना गुरुलाई सम्झिँदै सम्मान भाव प्रकट गरेका छन् ।
भर्सटायल कलाकारको रुपमा आफूलाई चिनाएका खगेन्द्र लामिछाने निर्देशित डेब्यू फिल्म ‘पानीफोटो’को ट्रेलर सार्वजनिक भएको छ । मंगलवार लामिछानेको जन्मदिनको अवसर पारेर राजधानीमा एक कार्यक्रमका बीच ट्रेलर सार्वजनिक गरिएको हो । २ मिनेट ४५ सेकेन्टको ट्रेलरमा द्वन्द्वकालमा अपहरणमा परेर बेपत्ता भएको छोराको खोजीमा रहेको एक दाम्पतीको कथा देखाइएको छ ।
माधव राज खरेलको निर्देशन रहेको फिल्म ‘चिठ्ठी’को ‘टुटेको तारा’ बोलको गीतमा चर्चित गायक शिव परियारले स्वर भरेका छन् । सोमबार राजधानीको फाइन टियुन स्टुडियोमा गीतको रेकर्डिङ गरिएको हो । गीतमा डा. कृष्णहरी बरालको शब्द रचना, गायक एवं संगीतकार सरोज कोइरालाको संगीत र विश्व अधिकारीको एरेन्जर छ । गीतको शब्द आफूलाई मन परेको शिव बताउँछन् ।
‘ए मेरो हजुर’ सिरिजका निर्माता सुनिल कुमार थापाले जीवनको ठूलो युद्ध जितेका छन् । मंगलवार विहान ९ बजे काठमाडौंस्थित मनमोहन कार्डियोथोरासिक भास्कुलर एण्ड ट्रान्सप्लाण्ट सेण्टरमा डा. भगवान कोइरालाको टोलीले निर्माता थापाको ओपन-हार्ट सर्जरी गरेको थियो । पिताको मुटुको अपरेशन सफल भएको खुशी अभिनेत्री सुहाना थापाले सोसल मिडियामार्फत् साटेकी छन् ।
