Nepal's No.1 Filmy Web Magazine

नेपाल अन्तर्राष्ट्रिय फिल्म फेस्टिभल (निफ) को चौथौं संस्करण यसपटक भर्चुअलको माध्यमबाट सम्पन्न भयो । गत बैशाख २३ देखि २७ गतेसम्म चलेको फेस्टिभलमा बलिउड निर्देशक अनुराग कश्यपले मास्टर क्लास दिएका थिए भने नेपालसहित विभिन्न देशका फिल्म अनलाइनबाट प्रदर्शन गरिएको थियो । भर्चुअलबाटै अवार्ड घोषणा गरिए पनि पुरस्कार वितरण हुन सकेको थिएन ।

अभिनेता भूवन केसीले आफ्नो करिअरमा कयौं सुपरहिट र सम्झनलायक फिल्म दिएका छन् । सम्भवतः नेपाली फिल्ममा उनी जति सफल फिल्म दिने नायक छैनन् । लभर ब्वाईको भूमिकामा सर्वाधिक रुचाइएका उनले गायकको रुपमा आफ्नो करिअर सुरु गरेका थिए । नेपाली म्यूजिक भिडियोका पहिलो मोडल समेत रहेका उनले फिल्म ‘जुनी’ बाट नायकको रुपमा डेब्यू गरेका हुन् ।

फिल्म निर्माता तथा गोपीकृष्ण हलका मालिक उद्धव पौडेलले चलचित्र विकास कम्पनीको सेयर बेच्न लागेको जानकारी प्राप्त भएको छ । राष्ट्रिय सञ्चार नीति, ०४९ अनुसार सरकारले चलचित्र विकास संस्थानलाई निजीकरण गर्ने व्यवस्था गरेपछि ०५० सालमा कम्पनीको बहुमत सेयरमध्ये ५१ प्रतिशत सेयर उद्धव पौडेलले ६ करोड ४६ लाख ६२ हजार रुपैयाँमा खरिद गरेका थिए ।

गत वर्ष अभिनेता सुशान्त सिंह राजपूतले आत्महत्या गरेपछि बलिउडमा नेपोटिज्मको बहस व्यापक रूपमा चर्कियो । उनले बलिउडमा व्याप्त नेपोटिज्म र ग्रुपिज्मका कारण आत्महत्या गर्न बाध्य भएको कतिपयको टिप्पणी थियो । यसको बाछिट्टा नेपालसम्म आइपुग्यो । अभिनेत्री नम्रता सापकोटाले नेपाली फिल्म इन्डस्ट्रीमा पनि नेपोटिज्म रहेको भन्दै बहसको सुरुवात गरिन् ।

हलिउड अभिनेत्री स्कारलेट जोन्सनले एमसीयूको आफ्नो पहिलो सोलो फिल्म ‘ब्ल्याक विडो’ को रिलिजलाई लिएर हलिउडको प्रतिष्ठित फिल्म वितरण कम्पनी डिस्ने स्टूडियोविरुद्ध अदालतमा मुद्धा हालेकी छन् । आफू अभिनीत फिल्मलाई सिनेमा हलमा मात्र नभइ ओटीटी प्लेटफर्म डिज्ने प्लसमा पनि रिलिज गरेको भन्दै लस एन्जिलिसको अदालतमा उनले डिज्नीविरुद्ध मद्धा हालेकी हुन् ।

निर्देशक नवल नेपालले आफ्नो करिअरमा प्रायः पारिवारिक प्रेमकथामाथि फिल्म बनाएका छन् । चाहे त्यो फिल्म ‘श्रीमान्’ होस् वा ‘मंगलम’ । उनका फिल्मले नारी संवेदनालाई नजिकबाट केलाउने प्रयास गरेको हुन्छ । तर, उनलाई आफ्नो कम्फर्ट जोनबाट बाहिर निस्कन नखोजेको आरोप लाग्ने गरेको छ । यो यथार्थ पनि हो, उनले फरक जनराका फिल्म गर्ने चुनौती मोलेका छैनन् ।