Nepal's No.1 Filmy Web Magazine
भारतमा यतिबेला कोरोना भाइरसको दोस्रो लहरले भयावह रुप लिएको छ । संक्रमण नियन्त्रणभन्दा बाहिर जान थालेपछि आवश्यकता अनुसार विभिन्न राज्यमा लकडाउन गरिएको छ । यस्तो अवस्थामा फिल्ममा आश्रित व्यक्तिहरुले पनि आर्थिक समस्या झेल्नु परेको छ । साउथ अभिनेत्री श्रुति हासनले कोरोनाका कारण आफ्नो आर्थिक अवस्था खराब हुँदै गएको बताएकी छन् ।
बिहीवारबाट भारतसँगै संसारका ४० बढी देशमा सिनेमा हल र ओटीटी प्लेटफर्ममा एकसाथ रिलिज भएको सुपरस्टार सलमान खान अभिनीत फिल्म ‘राधे’ लाई नेपालमा सेन्सर गरेर मात्र रिलिज गर्न सञ्चार मन्त्रालयले निर्देशन दिएको छ । सेन्सर विनै नेपालका केबल टिभी र ओटीटीमा फिल्म रिलिज हुन लागेको खबर सार्वजनिक भएपछि मन्त्रालयले यस्तो निर्देशन दिएको हो ।
हास्य कलाकार जीतु नेपालले महामारीको समयमा जनता अक्सिजन नपाएर अस्पतालमा छट्पटिरहेको अवस्थामा नेताहरुलाई भने भागबन्डा र कुर्सी चाहिएको भन्दै आक्रोश पोखेका छन् । उनले फेसबुकमा स्टाटस लेख्दै जनतालाई अस्पतालमा बेड, अक्सिजन, उपचार, राहत र हौसला चाहिएको बेला सरकारलाई तारिफ, गुनगान र चाकडी चाहिएको उल्लेख गरेका छन् ।
कोरोना भाइरसको दोस्रो लहर सुरु भएसँगै सरकारले भीडभाड हुने सिनेमा हलसहित विभिन्न क्षेत्रलाई अनिश्चितकालसम्मका लागि बन्द गरेको छ । जसले गर्दा दर्शकले ठूलो पर्दामा फिल्म हेरेर आनन्द उठाउन पाएका छैनन् । यो समयमा घरमै बसेर यूट्युब, टिभी तथा ओटीटी प्लेटफर्ममा फिल्म हेर्ने दर्शकको संख्या बढ्दो छ । यद्यपि, यसको पहुँच सबै नेपालीसम्म पुग्न सकेको छैन ।
कोरोनाको दोस्रो लहरले भारतीय फिल्म इन्डस्ट्रीलाई निकै ठूलो नोकसान भएको छ । सिनेमा हल बन्द भएपछि फिल्म इन्डस्ट्रीका लागि डिजिटल प्लेटफर्म आशाको किरण बनेको छ । तर, एउटा वास्तविकता के हो भने सिनेमा हल जति डिजिटल प्लेटफर्ममा फिल्मले कमाई गर्दैन । कोरोना कहरपछि सिनेमा हलका लागि निर्माण भएका कयौं फिल्म ओटीटी प्लेटफर्ममा रिलिज भए ।
फिल्मको पर्दामा प्रायः भिलेनको भूमिका देखिने गरेका अभिनेता अनुपविक्रम शाहीले रियल लाइफमा भने हिरोको छवि बनाएका छन् । गत वर्ष कोरोनाका कारण जारी लकडाउनमा रोजगारी गुमेर हातमुख जोर्न समस्या भएका व्यक्तिहरुलाई निःशुल्क खाना वितरण गरेका उनले धापासीस्थित ‘हाम्रो बाल संरक्षण धरोहर नेपाल’ मा आश्रित बालबालिकालाई पनि सहयोग गर्दै आएका छन् ।
