Nepal's No.1 Filmy Web Magazine
नेपाली चलचित्रका केही आयाम र पात्रहरुमा आधारित पुस्तक ‘क्लोज-अप’ सार्वजनिक गरिएको छ । शनिवार काठमाडौंमा आयोजित एक कार्यक्रमबीच चलचित्र पत्रकार जीवन पराजुलीद्वारा लिखित पुस्तकको सार्वजनिकीकरण गरिएको हो । पुस्तकलाई अभिनेत्री करिश्मा मानन्धर, निर्देशक तथा अभिनेत्रीद्वय दीपाश्री निरौला र झरना थापा, चलचित्र विकास बोर्डका अध्यक्ष दयाराम दाहाल, नेपाल पत्रकार महासंघका अध्यक्ष विपुल पोखरेल, निर्देशक नारायण पुरी, कवि एवं फिल्म निर्देशक राजेन्द्र शलभ लगायतले संयुक्त रुपमा विमोचन गरेका हुन् ।
प्रेमलाई मित्रताको नाम दिएर मिडियाको आँखा छल्न नेपाली कलाकारहरुले ‘डिग्री’ गरेका छन् । तर, मिडियाको अगाडि साथीको सम्बन्ध प्रमाणित गरेर वास्तविक जीवनमा भने उनीहरु प्रेमको विरुवा हुर्कारहेका हुन्छन् । ‘हामी साथी मात्रै हौं’ भनेर हिँड्ने धेरै कलाकारहरु अहिले विवाह बन्धनमा बाँधिसकेका छन् । त्यसैले कलाकारहरुको बोली र व्यवहार पत्याइहाल्नु मुर्खता हुनसक्छ ।
लामो समयदेखि बेलायतमा बस्दै आएका अभिनेता तथा निर्माता विक्रम डि जोशी आफू अभिनीत तथा निर्मित नयाँ फिल्म ‘हेल्लो जिन्दगी’को प्रमोशन र रिलिजका लागि नेपाल आएका छन् । चार वर्षपछि शुक्रवार मातृभूमि टेकेका उनलाई फिल्मका निर्देशक एभरेष्ट सूर्य बोहरा, निर्मात्री तथा अभिनेत्री सविता गुरुङलगायतले पञ्चकन्यासहित त्रिभुवन विमानस्थलमा स्वागत गरेका थिए ।
एक नाबालिगलाई जबर्जस्ती करणी गरेको आरोप लागेका अभिनेता पल शाहलाई थप पाँच दिन हिरासतमा राखेर अनुसन्धान गर्न तनहुँ जिल्ला अदालतले तनहुँ प्रहरी कार्यालयलाई अनुमति दिएको छ । शुक्रवार शाहलाई प्रहरीले म्याद थप गर्नका लागि अदालत पेश गरेको थियो । प्रहरीले अझै अनुसन्धान नसकिएको भन्दै म्याद बढाउन गरेको निवेदनलाई जिल्ला अदालतले सदर गरेको हो ।
महिला राष्ट्रिय फुटबल टिमकी नम्बर एक गोलकिपर एन्जिला तुम्बापो सुब्बाको जीवनबाट प्रभावित भएर फिल्म ‘अन्जिला’ निर्माण हुने भएको छ । शुक्रवार राजधानीमा एक कार्यक्रमका बीच फिल्मको औपचारिक निर्माण घोषणा गरियो । मिलन चाम्सको निर्देशनमा बन्न लागेको फिल्ममा एन्जिला स्वयंको मुख्य भूमिका रहनेछ । उनीसँगै फिल्ममा दयाहाङ राई, सिर्जना सुब्बा, माओत्से गुरुङ, बुद्धि तामाङ, प्रेम कुमार श्रेष्ठ लगायतको पनि अभिनय रहनेछ ।
बलिउड अभिनेता सलमान खान चाँडै साउथ सुपरस्टार चिरञ्जीवीसँग साउथ फिल्म ‘गडफादर’मा देखिँदैछन् । यसमा उनको केमियो भूमिका छ । चिरञ्जीवीसँगको घनिष्ट मित्रताका कारण उनी यो फिल्ममा काम गर्न तयार भएका हुन् । जब मित्रता निभाउने कुरा आउँछ तब बलिउडमा सलमानभन्दा राम्रो साथी अरु हुन सक्दैन । र, यसपटक फेरि उनले यो कुरा सावित गरेका छन् ।
