Nepal's No.1 Filmy Web Magazine
मिलन डि काप्रिको निर्देशनमा तयार भएको फिल्म ‘षट्कोण’को प्रदर्शन मिति घोषणा गरिएको छ । आगामी बैशाख २३ गतेलाई प्रदर्शन मिति घोषणा गर्दै निर्माण टिमले अभिनेता कर्मालाई प्राथमिकतामा राखेर मंगलवार एक पोस्टर सार्वजनिक गरेको छ । बक्सअफिसमा फिल्म ‘लक्का जवान’सँग भिडन्त गर्न लागेको यो फिल्म साइकोलोजिकल थ्रिलर जनरामा निर्माण भएको हो ।
बलिउडकी चर्चित अभिनेत्री आलिया भट्टले प्रदर्शनरत फिल्म ‘आरआरआर’बाट साउथ फिल्म इन्डस्ट्रीमा पाइला राखेकी छन् । शुक्रवारबाट संसारभर प्रदर्शनमा आएको फिल्मले हिन्दी भर्सनमा मात्र सय करोड नजिकको व्यापार गरिसकेको छ । तर, फिल्म प्रदर्शनमा आएसँगै टिमभित्र मनमुटाव सुरु भएको छ । फिल्म हेरेपछि आलिया निर्देशक एसएस राजामौलीसँग रुष्ट बनेकी छन् ।
१७ वर्षिय नाबालिग गायिकालाई जबर्जस्ती करणी गरेको अभियोगमा पुर्पक्ष थुनामा रहेका अभिनेता पल शाहले जिल्ला अदालत, तनहुँको आदेशविरुद्ध उच्च अदालत, पोखरामा पुनरावेदन निवेदन दिएका छन् । शाहका कानुनी सहयोगीले मंगलवार दिउँसो जिल्ला अदालतको फैसलाविरुद्ध तारेखमा थुनामुक्त गर्न माग गर्दै उच्च अदालत पोखरामा पुनरावेदन निवेदन दर्ता गराएका हुन् ।
मिस नेपालले नेपाली फिल्मलाई दिएको उपहार हुन्, सृष्टि श्रेष्ठ । बेलायतमा हुर्के बढेकी उनलाई बाल्यकालदेखि नै अभिनयप्रति रुचि थियो । आफ्नो यो रुचिलाई साकार बनाउन उनी बेलायतबाट काठमाडौंको खाल्डो आइपुगिन् र पहिलो खुड्किलोको रुपमा मिस नेपाललाई रोजिन् । सन् २०१२ मा मिस नेपालको उपाधि जितेपछि उनलाई फिल्ममा डेब्यू गर्नका लागि सजिलै बाटो खुल्यो ।
अभिनेत्री दीया पुन संसारकै अग्लो शिखर सगरमाथा आरोहणको तयारीमा छिन् । बैशाख दोस्रो साता सगरमाथा आरोहण गर्न लागेकी उनी अहिले हिमाल चढ्ने आधारभूत तालिम लिइरहेकी छन् । आरोहीलाई उचाइँ र मौसम अनुकूलन बनाउन सगरमाथा आरोहण गर्नुभन्दा अगाडि विभिन्न हिमालहरु पटक-पटक चढ्न र झर्न लगाइन्छ । दीयाले अहिले यसैको तामिल लिइरहेकी हुन् ।
सञ्चारकर्मी लक्ष्मण सुवेदीको लेखन तथा निर्देशनमा बन्न लागेको फिल्म ‘ठगराज’को गीत रेकर्डिङ्ग सुरु गरिएको छ । आइतवार फिल्मका लागि पहिलो गीतको रेकर्डिङ्ग गरियो । ‘माया बसेको रैछ’ बोलको गीतमा प्रताप दास र दीपा लामाले स्वर भरेका छन् । गीतमा निर्देशक सुवेदी स्वयंको शब्द रहेको छ भने दीपक शर्माले संगीत दिएका छन् । गीतका एरेन्जर शिवराम रसाइली हुन् ।
