Nepal's No.1 Filmy Web Magazine

साउथ फिल्म ‘केजीएफ २’ र बलिउड फिल्म ‘जर्सी’ भन्दा एक दिन अगाडि १३ अप्रिलमा थलपति विजय स्टारर तमिल फिल्म ‘बिस्ट’ रिलिज हुँदैछ । हिन्दीमा ‘रॉ’ शिर्षकमा रिलिज हुन लागेको फिल्मलाई दक्षिण भारतमा उत्सुकताका साथ हेरिएको छ भने ‘केजीएफ’का लागि सम्भावित चुनौती मानिएको छ । फिल्मको ट्रेलर बलिउड सुपरस्टार शाहरुख खानले समेत ट्विटरमा शेयर गरेका छन् । 

अभिनेता भुवन केसीले स्थानीय तहको निर्वाचनमा काठमाडौं महानगरपालिकाको मेयर पदमा उम्मेदवारी दिने भएका छन् । उनले स्वागत नेपाल अध्यक्ष रहेको उन्नत लोकतन्त्र पार्टीबाट मेयर पदमा उम्मेदवारी दिन लागेका हुन् । मंगलवार बसेको पार्टीको केन्द्रीय कमिटी बैठकले काठमाडौंको मेयरमा अभिनेता केसीलाई उठाउने निर्णय गरेको अध्यक्ष नेपालद्वारा जारी विज्ञप्तिमा उल्लेख छ ।

अभिनेत्री साम्राज्ञी आरएल शाहको सुरुवाती करिअर जबर्जस्त रह्यो । डेब्यू फिल्म ‘ड्रिम्स’ सफल हुनुका साथै उनको अभिनयको पनि प्रशंसा भएपछि साम्राज्ञीले करिअर फर्केर हेर्नु परेन । दोस्रो फिल्म ‘ए मेरो हजुर २’ पनि सफल हुँदा उनी निर्माता/निर्देशकको पहिलो रोजाई बनिन् । फिल्म ‘इन्टु मिन्टु लण्डनमा’ले पनि उनलाई राहत नै दियो । तर, अरु फिल्मले भने उनको स्टारडम बचाउन सकेन ।

अभिनेत्री नीता ढुंगाना र अभिनेता तथा ज्योतिष हरिहर अधिकारीले निर्माण र अभिनय गर्न लागेको फिल्म ‘ह्रस्व दीर्घ’मा अभिनेता सलोन बस्नेतको प्रवेश भएको छ । मंगलवार नीता र हरिहरले सलोनसँग कागजी सम्झौता गरेका हुन् । फिल्ममा सलोनको अर्थपूर्ण र महत्त्वपूर्ण भूमिका रहने बताइएको छ । हिरोको रुपमा असफल मानिएका उनी चरित्र अभिनेताको रुपमा भने जमेका छन् । 

दुई वर्ष अगाडि घोषणा गरिएको फिल्म हो, ‘के घर के डेरा’ । छायांकनमा निस्कने तयारी हुँदै गर्दा कोरोना महामारी फैलिएपछि फिल्मको काम अगाडि बढ्न सकेन । अब भने बैशाख अन्तिम साताबाट फिल्मको छायांकन सुरु हुँदैछ । तर, निर्देशक परिवर्तन भएका छन् । पहिला सुव्रतराज आचार्य निर्देशक रहेकोमा अब दीपेन्द्र के. खनालले निर्देशनको कमान्ड सम्हाल्ने भएका छन् ।

एक नाबालिग गायिकालाई जबर्जस्ती करणी गरेको अभियोगमा पुर्पक्षका लागि थुनामा रहेका अभिनेता पल शाहलाई तनुहँबाट पूर्वी नवलपरासी (नवलपुर) पठाइएको छ । नवलपरासी जिल्ला अदालतले थुनछेक बहसका लागि उपस्थित गराउन पत्रचार गरेपछि शाहलाई मंगलवार विहान नवलपुर पठाइएको जिल्ला कारागारका निमित्त प्रमुख नारायणप्रसाद अधिकारीले जानकारी दिए ।