Nepal's No.1 Filmy Web Magazine
साउथ फिल्म ‘केजीएफ २’को दबदबाबीच यसै साताको शुक्रवारबाट प्रदर्शनमा आएको दुई बलिउड फिल्म ‘हिरोपन्ती २’ र ‘रनवे ३४’ बक्सअफिसमा निरीह देखिएका छन् । ट्रेलरले दुवै फिल्मप्रति अपेक्षा चुल्याएको भए पनि दर्शकहरुले हलसम्म पुग्ने जाँगर चलाएका छैनन् । जसले गर्दा दुवै फिल्मले बक्सअफिसबाट लगानीको ५० प्रतिशत उठाउने सम्भावना पनि न्यून देखिएको छ ।
फिल्म ‘क्याप्टेन’बाट सानदार रुपमा उदाएकी अभिनेत्री उपासना सिंह ठकुरीलाई दोस्रो फिल्म ‘कबड्डी २’ले सफलताको उचाईंमा पुर्यायो । त्यसयता उनको नेपाली फिल्ममा उच्च माग छ । उनले कोभिडयता ‘डिसेम्बर फल्स’, ‘सत्यम्’ र ‘दुई नम्बरी’ गरी तीन फिल्म साइन गरिन् । जसमध्ये ‘डिसेम्बर फल्स’को केही प्रतिशत छायांकन मात्र बाँकी छ भने ‘सत्यम्’को छायांकन अन्योल छ ।
फिल्म साइन गरेर पछि विभिन्न कारण देखाउँदै हात झिक्ने मामलामा सबैभन्दा अगाडि देखिएका अभिनेता अनमोल केसीले अर्को फिल्म पनि छाडेका छन् । गत चैतमा उनले दीवाकर भट्टराईले निर्देशन गर्ने फिल्म ‘हनी बनी’ साइन गरेका थिए । स्क्रिप्ट पढेको दुई दिनमै उनी फिल्ममा काम गर्न तयार भएका थिए । तर, छायांकनमा निस्कने समयमा उनी यो फिल्मबाट अलग भएका छन् ।
बैशाख ३० गते स्थानीय तहको निर्वाचन हुँदैछ । देशभर राजनीतिक दलका उम्मेदवारसँगै स्वतन्त्र उम्मेदवारी दिनेको संख्या पनि ठूलो छ । तर, यतिबेला सबैको ध्यान देशको राजधानी काठमाडौंले तानेको छ । महानगर हत्याउन दुई ठूला राजनीति दल नेकपा एमालेले मेयरमा केशव स्थापितलाई टिकट दिएको छ भने नेपाली कांग्रेसले सृजना सिंहलाई मेयरको उम्मेदवार बनाएको छ ।
बलिउड फिल्मका लागि बक्सअफिसमा २५/३० करोड कमाउन पनि मुश्किल परिरहेको समयमा साउथ फिल्मले भने कमाईमा एकसेएक रेकर्ड बनाउँदै गएका छन् । ‘पुष्पा’ र ‘आरआरआर’पछि १४ अप्रिलमा प्रदर्शनमा आएको साउथ फिल्म ‘केजीएफ २’ले सफलताको नयाँ बेन्चमार्क बनाएको छ । फिल्मले प्रदर्शनको तेस्रो हप्तामै हिन्दी भर्सनमा ३५० करोड कमाउन सफल भएको छ ।
नेपाली फिल्ममा दुई वर्गका कलाकारहरु छन् । एउटा वर्ग रंगमञ्च हुँदै फिल्ममा भित्रिएको छ । अर्को वर्ग फिल्मबाटै जन्मिएको हो । वर्तमान सिनारियो हेर्ने हो भने नेपाली फिल्म क्षेत्रमा दुवै वर्गका कलाकारहरुको बलियो उपस्थिति छ । फरक पृष्टभूमिबाट आएका कलाकारका कारण दर्शकहरुले पनि फरक स्वादका फिल्म पाइरहेका छन् । यो फिल्म क्षेत्रकै लागि नै सुखद् कुरा हो ।
