Nepal's No.1 Filmy Web Magazine
यही चैत २५ गतेबाट फिल्म ‘मैले आई लभ यू भन्नै सकिनँ’ प्रदर्शनमा आउने भएको छ । सोमवार चलचित्र विकास बोर्डको सभा हलमा एक कार्यक्रमका बीच निर्माण टिमले फिल्मको प्रदर्शन मिति घोषणा गर्दै ट्रेलर र गीत पनि सार्वजनिक गर्यो । ट्रेलरमा एक्सनलाई प्राथमिकता दिइएको छ भने ‘मुस्ताङको बजार’ बोलको गीतमा राजेश पायल राई र मेलिना राईको स्वर रहेको छ ।
अभिनेत्री केकी अधिकारी अभिनय र बौद्धिक क्षमतामा अब्बल मानिन्छिन् । जुनसुकै भूमिकामा जीवन्त बाँच्न सक्ने खुबी भएकी उनी हरेक कुरालाई तथ्य र तर्कसहित आफ्नो विचार व्यक्त गर्न सक्छिन् । यसकारण पनि फिल्म क्षेत्रमा उनको बेग्लै पहिचान छ । करिअरको एक दशक लामो यात्रामा विभिन्न आरोह-अवरोहको सामना गरेकी उनी अभिनेत्रीबाट निर्मात्री समेत बनिसकेकी छन् ।
राजिव गुरुङको निर्माण तथा निर्देशनमा फिल्म ‘ग्रहण’ बन्ने भएको छ । आइतवार सिक्किमको राजधानी गान्तोकमा सिक्किमका सूचना तथा जनसम्पर्क मन्त्री लोकनाथ शर्माको प्रमुख आतिथ्यतामा फिल्मको निर्माण घोषणा गरिएको हो । कार्यक्रममा फिल्मको ‘कास्ट एन्ड क्रियू’ पनि सार्वजनिक गरियो । फिल्ममा विनय श्रेष्ठ, नम्रता श्रेष्ठ र सारुक ताम्राकारको मुख्य भूमिका रहने भएको छ ।
‘पुष्पा’ फेम अभिनेत्री रश्मिका मन्दाना बलिउड अभिनेता रणबीर कपूरको मुख्य भूमिका रहने फिल्म ‘एनिमल’मा भित्रिएकी छन् । शनिवार निर्माण टिमले फिल्ममा उनको प्रवेश भएको जानकारी गराएको हो । उनले अप्रिल अन्तिमबाट फिल्मको छायांकन सुरु गर्नेछिन् । ११ अगस्ट २०२३ मा प्रदर्शन हुन लागेको फिल्ममा अभिनेता द्वय अनिल कपूर र बबी देओलको पनि अभिनय रहनेछ ।
