Nepal's No.1 Filmy Web Magazine
रियल जोडी सौगात मल्ल र सृष्टि श्रेष्ठको मुख्य भूमिका रहेको फिल्म ‘माइकल अधिकारी’को फर्स्टलुक पोस्टर सार्वजनिक गरिएको छ । शुक्रवार सार्वजनिक दुईवटा पोस्टरले फिल्मको थिम बोल्छ । एउटा पोस्टरमा सौगातले बोकेको खर्पनमा एकातिर सृष्टि र बच्चा छन् भने अर्कोतिर पैसाको भारी छ । त्यस्तै, दोस्रो पोस्टरमा सौगात र सृष्टि पैसाको विछ्यौनामा प्रेमिल मुद्रामा प्रस्तुत छन् ।
बलिउडका नामी अभिनेता अनुपम खेरका लागि नेपाल पानी पधेरो झैं हुन थालेको छ । केही वर्षयता उनको नेपाल ओहोर-दोहोर बाक्लिएको छ । २०७१ सालमा कोसेली स्कुलमा पढ्ने सुकुम्बासी र मजदुरका सन्तानलाई सहयोग जुटाउन आयोजित च्यारिटी शोमा सहभागी हुन नेपाल आएका उनी गत वर्ष फिल्म ‘उचाईं’को सुटिङका लागि करीब २०-२५ दिन लुक्ला क्षेत्रमा बसेका थिए ।
‘पासवर्ड’ फेम्ड निर्देशक सम्राट बस्नेतको निर्देशनमा तयार भएको मल्टीस्टारर फिल्म ‘लाखे’को फर्स्टलुक पोस्टर सार्वजनिक गरिएको छ । पोस्टरले फिल्मको थिम बोल्छ । पोस्टरमा फिल्मका चार पुरुष पात्रहरु डरलाग्दो ख्वापा (मुखौटा) लगाएर प्रस्तुत छन् भने पृष्ठभूमिमा अभिनेता अर्पण थापालाई देख्न सकिन्छ । पोस्टरले फिल्म सस्पेन्स-थ्रिलर कथामा निर्माण भएको बुझाउँछ ।
अभिनेत्री वर्षा राउतको वैवाहिक जीवन चार वर्षमा टेकेको छ । उनले संजोग कोइरालासँगको करीब ८ वर्ष लामो प्रेम सम्बन्धलाई २०७५ सालको फागुनमा विवाहमा परिणत गरेकी थिइन् । प्रेम सम्बन्धमा रहँदा विवाहको प्रश्नले हैरान हुने गरेकी वर्षालाई केही समययता बच्चाको बारेमा प्रश्न आउने गरेका छन् । हुनत, विवाह बन्धनमा बाँधिएको जोडीलाई यस्ता प्रश्न आउनु स्वभाविक हो ।
अभिनेत्री दीया पुनले गत जेठ १३ गते संसारकै अग्लो शिखर सगरमाथाको आरोहण गरिन् । निर्मल पूर्जाको टोलीसँग सगरमाथाको चुचुरोमा पहिलो पटक पाइला टेकेकी उनले करीब ४० लाख व्यक्तिगत खर्चमा सगरमाथा चढेकी हुन् । उनी सगरमाथा आरोहण गर्नुको उद्देश्य तीनवटा सामाजिक संस्थाको च्यारिटीका लागि थियो । सगरमाथाको चुचुरोमा उनले राष्ट्रिय झन्डा फहराएकी थिइन् ।
