Nepal's No.1 Filmy Web Magazine
अभिनेत्री आलिया भट्ट र अभिनेता रणबीर कपूर आमा-बुबा बन्ने भएका छन् । विवाह गरेको दुई महिनामा आलियाले आफू आमा बन्न लागेको जानकारी दिएकी हुन् । सोमवार अस्पतालमा भिडियो एक्स-रे गरेको एक तस्विर इन्स्टाग्राममा पोस्ट गर्दै उनले लेखेकी छन्, ‘हाम्रो बच्चा चाँडै आउँदैछ ।’ तस्विरमा उनको साथमा रणबीर कपूर पनि देखिएका छन् । यतिबेला उनीहरु लण्डनमा छन् ।
लिम्बु भाषा र संस्कृतिमा आधारित भएर निर्माण भएको फिल्म ‘रीत’को छायांकन सकिएको छ । शनिवार देशको संघीय राजधानी काठमाडौंमा फिल्मको अन्तिम दृश्य कैद गरियो । दिनेश लिङ्देनको पटकथा, संवाद र निर्देशन रहेको फिल्ममा लिम्बु जातिको विवाहमा हुने संस्कारलाई देखाइएको छ । फिल्मलाई काठमाडौंसँगै ताप्लेजुङको सिनाम, पाँचथर र इलाममा खिचिएको हो ।
‘जात्रा’, ‘शुत्रे गते’ र ‘जात्रै जात्रा’ गरी तीन ब्लकबस्टर फिल्म दिएर ह्याट्रिक गरेका प्रदीप भट्टराई यतिबेला मदनकृष्ण श्रेष्ठ र हरिवंश आचार्यलाई लिएर फिल्म ‘महापुरुष’को निर्देशन गरिरहेका छन् । यसपछि उनले पहिलो पटक पुस्तकमाथि निर्माण हुन लागेको फिल्मको निर्देशन गर्ने भएका छन् । नयनराज पाण्डेद्वारा लिखित उपन्यास ‘लू’माथि बन्ने फिल्मको निर्देशकमा उनी भित्रिएका हुन् ।
एउटै फिल्ममा काम गरेपछि कलाकारबीच प्रेम सम्बन्धको चर्चा चल्नु अनौठो होइन । कतिले फिल्मको चर्चाका लागि प्रेमको हल्ला फिजाउने गरेका छन् भने कति वास्तवमै प्रेम सम्बन्धमा डुबेका हुन्छन् । सुटिङ सेटमा प्रेम अंकुराएर केही फिल्मी जोडी विवाह बन्धनमा समेत बाँधिसकेका छन् । यतिबेला फिल्मी बजारमा अभिनेता पुष्प खड्का र अभिनेत्री श्रद्धा क्षेत्री प्रेममा रहेको चर्चा छ ।
निर्देशक विकासराज आचार्य कोरोना महामारीभन्दा अगावैदेखि फिल्म ‘नाइँ नभन्नू ल ६’को तयारीमा जुटेका थिए । उनले लेखक सामिप्यराज तिमल्सिनासँग बसेर फिल्मको स्क्रिप्ट पनि ‘लक’ गरिसकेका छन् । फिल्मका लागि अभिनेत्री आँचल शर्मा र उनको अपोजिटमा नव-नायक आर्शिवाद क्षेत्रीलाई फाइनल गरिएको छ । तर, विभिन्न कारणले फिल्म छायांकनमा जान सकेको छैन ।
फिल्म छायांकनमा नजाँदासम्म कलाकार ‘इन’ र ‘आउट’को खेल चलि नै रहन्छ । कति फाइनल स्क्रिप्ट चित्त नबुझेर बाहिरिन्छन् त कति टिमभित्रको खटपटले अलग हुन्छन् । यस्तैमा, फिल्म ‘प्रसाद २’मा पनि टिम परिवर्तनको खेल भइरहेको छ । सौरभ चौधरीले निर्देशनबाट हात झिकेपछि फिल्ममा सुदर्शन थापा भित्रिए । अब अभिनेता निश्चल बस्नेतले फिल्म छाडेको खबर प्राप्त भएको छ ।
