Nepal's No.1 Filmy Web Magazine

अभिनेता राजेश हमालको आठ वर्षपछिको कमब्याक फिल्म ‘नरसिंहा अवतार’को एक्सनप्रधान ट्रेलर सार्वजनिक गरिएको छ । बिहीबार काठमाडौंमा एक कार्यक्रमका बीच सार्वजनिक ३ मिनेट १५ सेकेण्ड लम्बाइको ट्रेलरले फिल्मको कथावस्तुबारे महत्त्वपूर्ण प्रकाश पारेको छ । बलात्कार, हत्या, हिंसा, भ्रष्टाचार जस्ता संवेदनशील विषयलाई फिल्मले उठान गरेको ट्रेलरबाट प्रष्ट हुन्छ ।

२२ अप्रिलमा जम्मु-काश्मिरको पहलगाममा भएको आक्रमणको बदला लिन मंगलबार राति भारतले पाकिस्तानमा हवाई आक्रमण गरेको थियो । उक्त आक्रमणलाई भारतीय सेनाले ‘अपरेशन सिन्दूर’ नाम दिएको छ । यतिबेला यो शीर्षकमा फिल्म बनाउन बलिउडका निर्माताहरुबीच हानाथाप चलेको छ । बुधबारसम्म यो नाम लिन आधा दर्जन बढी निर्माताले आवेदन दिइसकेका छन् ।

गत फागुनमा प्रदर्शनमा आएको फिल्म ‘आउट ल’बाट एक्सनमा राम्रो सम्भावना देखाएका अभिनेता सुशील श्रेष्ठ एकपटक फेरि एक्सन फिल्ममा देखिने भएका छन् । माइकल चन्दको निर्देशनमा बन्न लागेको फिल्म ‘राम नाम सत्य’मा उनले मुख्य भूमिकामा काम गर्न लागेका हुन् । बुधबार फिल्म सम्झौता गरेका उनले स्क्रिप्ट सुनेपछि आफू निकै उत्साहित भएको बताए ।

भोलि शुक्रबार अर्थात् बैशाख २६ गतेबाट प्रदर्शनमा आउने तयारीमा रहेको फिल्म ‘ऊनको स्वीटर’ले प्रिमियरमा लोभलाग्दो प्रतिक्रिया पाएको छ । बुधवार साँझ काठमाडौंको कमलपोखरीस्थित बिग मुभिजमा सम्पन्न प्रिमियरमा उपस्थित अधिकांशले कथावाचन शैलीको मुक्तकण्ठले प्रशंसा गरे । छायांकन, संगीत, कलाकारहरुको अभिनय जस्ता पक्षको पनि उत्तिकै प्रशंसा भयो ।

सन् २०१७ देखि २०२३ सम्म निर्मात्री शर्मिला पाण्डेले आक्रामक रुपमा फिल्म निर्माण गरेकी थिइन् । ६ वर्षको अवधिमा उनले ६ वटा फिल्म बनाइन् । तर, २०८० सालमा रिलिज भएको ‘परस्त्री’ व्यावसायिक रुपमा असफलता भएपछि उनले फिल्म निर्माण गरेकी छैनन् । अब २ वर्षपछि उनी नयाँ फिल्म बनाउने तयारीमा जुटेकी छन् ।

बैशाख महिना सुरु भएयता नेपाली फिल्मले आशालाग्दो व्यापार गर्न नसकिरहेको अवस्थामा अब यही शुक्रबार अर्थात् बैशाख २६ गतेबाट दुई आशातीत फिल्म ‘ऊनको स्वीटर’ र ‘जार’ एकसाथ प्रदर्शनमा आउने तयारीमा छन् । फरक कथावस्तुमा बनेका यी दुवै फिल्मको मंगलबार साँझबाट देशभरका प्रायः मल्टीप्लेक्स हलहरूमा शो टाइमसहित अग्रिम टिकट बुकिङ सुरू भइसकेको छ ।