साउथ सुपरस्टार यश अभिनीत फिल्म ‘केजीएफ २’ले बक्सअफिसमा डंका पिटेको छ । फिल्मले प्रदर्शनको दुई दिनमा नै बलिउड र साउथका कयौं फिल्मको रेकर्डलाई पछाडि पारेको छ । हिन्दी भर्सनमा पहिलो दिन नै ५३ करोड ९५ लाखको सानदार ओपनिङ गरेको फिल्म दोस्रो दिन पनि कमाईमा अब्बल देखियो । दुई दिनको कमाईसँगै फिल्म सय करोडमा सामेल भएको छ ।
दोस्रो दिन शुक्रवार ४६ करोड ७९ लाखको व्यापार गर्दै फिल्मले हिन्दी भर्सनमा १ सय ७४ लाखको कमाई गर्न सफल भएको हो । फिल्मको कमाईलाई ट्रेड एनालिस्ट तरण आदर्शले ‘सुनामी’को संज्ञा दिएका छन् । सन् २०१८ मा रिलिज भएको ‘केजीएफ’को हिन्दी भर्सनको लाइफटाइम कलेक्सन ४४ करोड ९ लाख मात्र थियो । ‘केजीएफ २’ले पहिलो दिन नै आफ्नै रेकर्ड ब्रेक गरेको छ ।
#KGF2 [#Hindi] is a TSUNAMI... Hits the ball out of the stadium on Day 2... Trending better than ALL event films, including #Baahubali2 and #Dangal... Eyes ₹ 185 cr [+/-] in its *extended 4-day weekend*... Thu 53.95 cr, Fri 46.79 cr. Total: ₹ 100.74 cr. #India biz. OUTSTANDING. pic.twitter.com/nZZnYxe8vH
— taran adarsh (@taran_adarsh) April 16, 2022
ट्रेड एनालिस्ट तरण आदर्शका अनुसार, फिल्मले ‘बाहुबली २’ र ‘दबंग’को व्यापारलाई पछ्याइरहेको छ । फिल्मले चार दिनमा १ सय ८४ करोडको व्यापार गर्ने उनको अनुमान छ । फिल्मले भारतमा मात्र नभइ विश्वभर सानदार कमाई गरिरहेको छ । नेपालमा मात्र फिल्मले प्रदर्शनको दुई दिनमा चार करोड छापेको जानकारीमा छ । नेपालमा ‘केजीएफ २’को गजबको क्रेज देखिएको छ ।
साउथका ट्रेड एनालिस्ट मनोबाला विजयबालनले ट्विटरमार्फत् फिल्मले विश्वभर २ दिनमा ३ सय करोडमाथिको व्यापार गरेको जानकारी दिएका छन् । प्रशान्त नीलद्वारा लिखित तथा निर्देशित फिल्ममा यशसँगै सञ्जय दत्त, रवीना टन्डन, श्रीनिधि शेट्टी, प्रकाश राज र मालविका अविनाश लगायतको अभिनय छ । फिल्म कन्नड, तेलुगु, हिन्दी, तमिल र मलयालम भाषामा रिलिज भएको हो ।
#KGFChapter2 WW Box Office
— Manobala Vijayabalan (@ManobalaV) April 16, 2022
ENTERS the PRESTIGIOUS ₹300 cr club in just 2 days.
Day 1 - ₹ 165.37 cr
Day 2 - ₹ 139.25 cr
Total - ₹ 304.62 cr
EXCELLENT HOLD.
In many circuits Day 2 fetched more than Day 1.#Yash #KGF2
