बहुप्रतिक्षित नेपाली फिल्म 'ए मेरो हजुर ४'ले पहिलो दिन बम्पर ओपनिङ् गरेको वितरकले बताएका छन् । वितरण कम्पनी काफिया फिल्म्सका गोविन्द शाहीले दिएको रिपोर्ट अनुसार यो फिल्मले नयाँ बर्षको दिन देशभरबाट असी लाख ग्रस कलेक्शन गरेको हो ।
दक्षिण भारतिय फिल्म 'केजीएफ २'को दबदबाकाबीच असी लाखको ग्रस कलेक्शनलाई बम्पर मान्न सकिन्छ । वितरकका अनुसार देशैभर शो टाइम पनि थप भएका छन् । काठमाडौं उपत्यकामा मात्रै ४३ लाख माथिको कलेक्शन रहेको शाहीले बताए ।
(1).jpg)
'केजीएफ २'लाई मारामार शोहरु दिएका फिल्म हलहरुले 'ए मेरो हजुर ४' लाई सौतेनी व्यवहार गरेका थिए । नेपाली फिल्मलाई अत्याधिक थोरै शोटाइन दिने तर विदेशी फिल्मलाई भने गैरकानुनी रुपमा मध्यराती देखि नै टिकट दर समेत नराखी 'केजीएफ २' चलाएपछि काठमाडौंका केहि हलहरुलाई चलचित्र विकास बोर्डले कारबाही प्रक्रिया अगाडी बढाएको छ ।
झरना थापाले निर्देशित 'ए मेरो हजुर ४' का अनमोल केसी र सुहाना थापाको जोडी हिट छ । अनमोल र सुहाना सहित सलोन बस्नेत, सरोज खनाल, रियर राई, रवि गिरी लगायतले यो फिल्ममा अभिनय गरेका छन् ।
