बलिउड अभिनेता आमिर खान र उनकी श्रीमती किरण राव विवाहको १५ वर्षपछि अलग भएका छन् । उनीहरुले संयुक्त बयान जारी गर्दै बैबाहिक सम्बन्ध अन्त्यको घोषणा गरेका हुन् । शनिवार उनीहरुले ज्वाइन्ट स्टेटमेन्टमा भनेका छन्, ‘यो १५ वर्षमा हामीले जीवनभरको अनुभव, आनन्द र खुसी साझा गर्यौं । अब हामी आफ्नो नयाँ जीवनमा एक नयाँ अध्याय सुरु गर्न चाहन्छौं ।’
आमिर र किरणद्वारा जारी बयानमा अगाडि भनिएको छ, ‘अब पति र पत्नीको रुपमा होइन, एकअर्काको सह माता पिता र परिवारको रुपमा रहनेछौं । हामीले केही समय पहिले एक प्लान्ड सेपरेशन सुरु गरेका छौं र अब यो व्यवस्थाको औपचारिक रुप दिन सहज महशुस गर्दैछौं । हामी आफ्नो छोरा आजादप्रति समर्पित माता-पिता हौं, जसको पालन पोषण हामी मिलेर गर्नेछौं ।’
उनीहरुले फिल्म, पानी फाउन्डेसन र अन्य परियोजनाहरुमा सहयोगी रुपमा काम गर्ने बताएका छन् । फिल्म ‘लगान’ को सेटमा पहिलो पटक भेट भएका आमिर र किरणले २००५ मा विवाह गरेका थिए । उनीहरुको सम्बन्ध प्रेम र विश्वासले भरिएको थियो । आजादको सरोगेसी र निकै सानदार पेरेन्टिङको मामलामा पनि उनीहरुको सम्बन्धलाई एउटा उदाहरणको रुपमा लिने गरिन्छ ।
