Nepal's No.1 Filmy Web Magazine
अभिनेत्री वर्षा सिवाकोटीलाई संसारको सबैभन्दा शक्तिशाली देश अमेरिका पानी पधेरो झैं हुन थालेको छ । उनले वर्षमा एक वा दुईपटकसम्म अमेरिका भ्रमण गरेकै हुन्छिन् । श्रीमान् पनि अमेरिका बस्ने नै रोजेकी उनी विवाहपछि पहिलो पटक अमेरिका पुगेकी छन् । यतिबेला उनले सामाजिक सञ्जालमा श्रीमान् र आफन्तसँग अमेरिका घुमघामका तस्विरहरु पोस्ट गरिरहेकी छन् ।
राष्ट्रियताको विषयमा फिल्म बनाउँदै आएका नवल खड्का निर्देशित फिल्म ‘काँडेतार’को टिजर सार्वजनिक भएको छ । १ मिनेट १२ सेकेन्ड लम्बाईको टिजर एक्सन प्याक्ड छ । नेपाल र भारतको सीमा विवादको मुद्धालाई फिल्मले उठाएको टिजरले प्रस्ट्याउँछ । साउथ शैलीमा तयार पारिएको टिजरमा नवल एक्सन अवतारमा प्रस्तुत छन् । फिल्मप्रति कौतुहलता जगाउन टिजर सफल छ ।
नेपाली फिल्ममा चकलेटी हिरोहरुको अभाव छ । केही वर्षयता अनमोल केसी र प्रदीप खड्काले लभस्टोरी फिल्मको भार थेगेर बसेका छन् । लभस्टोरी फिल्म बनाउन चाहने मेकरले सबैभन्दा पहिला उनीहरुलाई सम्झन्छन् । तर, उनीहरुले वर्षमा मुश्किलले दुईटासम्म फिल्म गर्ने भएकाले मेकरहरु विकल्प खोज्दै विभिन्न अभिनेतासम्म पुग्ने गर्छन् । त्यसमध्येमा पर्छन्, सलिनमान बनियाँ ।
भर्सटायल अभिनेताको रुपमा चिनिएका खगेन्द्र लामिछाने निर्देशित पहिलो फिल्म ‘पानीफोटो’को प्रदर्शन मिति हेरफेर गर्दै मोसन पोस्टर सार्वजनिक गरिएको छ । यसअघि भदौ १० गतेलाई प्रदर्शन मिति तोकिएकोमा अब फिल्म साउन १३ गतेबाट प्रदर्शनमा आउनेछ । मोसन पोस्टरमा पात्रहरुको मनोभाव दर्शाइएको छ । पोस्टरमा अनुप बराल र मेनुका प्रधानको लुक्सले ध्यान खिच्छ ।
बलिउड सुपरस्टार सलमान खानलाई धम्कीपूर्ण पत्रपछि दिनहुँ नयाँ-नयाँ खुलासा भइरहेको छ । प्रहरीको सोधपुछमा ग्याङस्टर लरेन्स बिस्नोइले सलमानलाई धम्की दिएको सौरभ महाकालले खुलासा गरेका छन् । अब यो खुलासा भएको छ कि लरेन्सले सलमानलाई धम्कीसँगै मार्नका लागि सार्पसुटर समेत पठाएका थिए तर, सफल नभएको भारतीय मिडियाले उल्लेख गरेका छन् ।
देवकुमार श्रेष्ठको निर्देशनमा फिल्म ‘डलर एयूडी’ निर्माण हुने भएको छ । बिहीवार राजधानीमा आयोजित एक कार्यक्रमका बीच घोषणा गरिएको फिल्मले अष्ट्रेलियामा बसेर पैसा कमाउनका लागि नेपालीले गर्ने संघर्षको कथालाई उठाइने जानकारी गराइयो । सन्तोष अधिकारीले निर्माण गर्ने फिल्मको छायांकन अष्ट्रेलियामा नै हुनेछ । सन्तोषले यसअघि ‘आमा’ फिल्म निर्माण गरेका थिए ।
