Nepal's No.1 Filmy Web Magazine

प्रख्यात रंगकर्मी अनुप बरालकी श्रीमती दीया मास्के (बराल) पनि एक उम्दा कलाकार हुन् । रंगमञ्च पृष्ठभूमिबाट फिल्ममा आएकी उनले ‘सुनगाभा’, ‘साँघुरो’ र ‘फिटकिरी’ फिल्ममा सम्झनलायक चरित्र निर्वाह गरेकी छन् । अब उनी अभिनीत नयाँ फिल्म ‘दोख’ यही शुक्रवार (२४ गते) बाट प्रदर्शनमा आउने तयारीमा छ । यो फिल्ममा निर्वाह गरेको चरित्रबाट मास्के सन्तुष्ट देखिएकी छन् ।

करीब ९ वर्षदेखि प्रेम सम्बन्धमा रहेका अभिनेता संयम पुरी र अभिनेत्री आश्मा डिसी दाहाल अब विवाह बन्धनमा बाँधिने भएका छन् । विगत केही वर्षयता अमेरिकामा एकसाथ बस्दै आएका उनीहरु आगामी मंसिर १६ गते विवाह बन्धनमा बाँधिन लागेको जानकारी प्राप्त भएको छ । यो जोडीको विवाहको ‘भेन्यू’ काठमाडौंको बौद्धस्थित पाँचतारे होटल हायात रिजेन्सी रोजिएको छ । 

सुन्दरी अभिनेत्री सारा सिरपालीले कोरोना महामारीभन्दा अगाडि काम गरेको फिल्म ‘गुञ्जन’ले प्रदर्शन मिति पाएको छ । निर्माता र वितरकबीच मंगलवार भएको सहमति अनुसार आगामी पुष २९ गते फिल्म प्रदर्शन हुनेछ । फिल्मलाई मोफसलमा एफडी कम्पनी र काठमाडौंभित्र जिजिए ग्रुप र डिसिएनले वितरण गर्नेछन् । माघे संक्रान्तिलाई लक्षित गर्दै फिल्मको प्रदर्शन मिति तोकिएको हो ।

नेपाली फिल्म क्षेत्रले आशा गरेको अभिनेता हुन्, सलिनमान बनियाँ । फिल्म ‘ए मेरो हजुर २’बाट डेब्यू गरेका उनको अभिनयको आलोचना भएपनि लुक्स, हेयर स्टाइल र परिहनले दर्शकको ध्यान खिचेको थियो । पहिलो फिल्मबाटै स्टाइलिस अभिनेताको रुपमा चिनिएका उनले युवापुस्तामा राम्रो फ्यान फलोइंग बनाए । दुई वर्षको विश्रामपछि उनले दोस्रो फिल्म ‘यात्रा’मा काम गरेका थिए ।

जुलाई १ अर्थात् यही शुक्रवारबाट बलिउडका दुई ठूला फिल्म ‘रकेट्री’ र ‘ओम’ एकसाथ प्रदर्शनमा आएका थिए । ट्रेलरबाट ठूलो आशा जगाएका यी दुई फिल्ममध्ये ‘रकेट्री’को व्यापार ठिकठाक रहँदा ‘ओम’ भने बक्सअफिसमा टाँट पल्टिएको छ । आदित्य रोय कपूर अभिनीत फिल्मले प्रदर्शनको चार दिनको अवधिमा ५ करोड आसपास कमाएको छ । जुन अपेक्षा गरेभन्दा ज्यादै न्यून हो ।

एक समयका सफल निर्देशक ज्ञानेन्द्र देउजाले ७ वर्षपछि निर्देशन गरेको नयाँ फिल्म ‘झिंगेदाउ’को पहिलो गीत सार्वजनिक भएको छ । मंगलवार राजधानीमा आयोजित एक कार्यक्रमका बीच सार्वजनिक गरिएको ‘आगो बिना बिँडी जल्दैन’ बोलको गीतमा मुक्त उदासको शब्द रचना र अर्जुन पोखरेलको संगीत रहेको छ भने शान्तिश्री परियार र प्रविन बडवालको युगल स्वर सुन्न सकिन्छ ।