.jpeg)
भदौ १० गते भोटेकोशी नदीमा आएको बाढीका कारण ठूलो जनधनको क्षति भएपछि त्यसको असर नेपाली फिल्म क्षेत्रमा पनि परेको छ । यो अवस्थामा मनोरञ्जनका गतिविधि गर्नु उचित नहुने भन्दै एकपछि अर्को फिल्मले प्रदर्शन मिति स्थगित गरिरहेका छन् । यस्तैमा भदौ २६ गते प्रदर्शन हुने भनिएको फिल्म ‘माया भनेकै यस्तो होला’ पनि निर्धारित मितिमा नआउने भएको छ ।
आइतबार फिल्मका निर्माता तथा अभिनेता दिल श्रेष्ठले सामाजिक सञ्जालमा एक पोस्ट गर्दै दुःख र पीडाको समयमा फिल्म रिलिज गर्नु उपयुक्त नदेखिएकाले प्रदर्शन मिति स्थगित गरिएको जनाएका छन् । उनले भनेका छन्, ‘मुलुक रोइरहेको समयमा फिल्म जस्तो मनोरञ्जनात्मक सामाग्री पस्कन हाम्रो मनले मानेन ।’
दिलका अनुसार अब फिल्म तिहारको अवसर पारेर कात्तिक २० गते (६ नोभेम्बर)बाट प्रदर्शनमा आउनेछ । सम्भवतः यही मितिमा ‘पाँच पाण्डव’ र ‘जिरो डिग्री’ पनि प्रदर्शनमा आउनेछन् । यद्यपि, यी दुवै फिल्मको प्रदर्शन मिति तय भइसकेको छैन । तिहारमा भारतीय महाकाव्य फिल्म ‘रावायण: पार्ट वान’ पनि प्रदर्शनमा आउने तयारीमा छ ।
रेखा थापाको निर्देशनमा बनेको ‘माया भनेकै यस्तो होला’मा दिलसहित सृष्टि श्रेष्ठ, नम्रता श्रेष्ठ, नीति शाह, मदनकृष्ण श्रेष्ठ, दिल श्रेष्ठ, सृष्टि श्रेष्ठ, नीति शाह, नम्रता श्रेष्ठ, लक्ष्मी गिरी, राजाराम पौडेल, विशाल पहाडीलगायतका कलाकारहरूको अभिनय रहेको छ । फिल्ममा हरि नारायण श्रेष्ठ, माया देवी श्रेष्ठ, नवराज श्रेष्ठ, जस्मिन श्रेष्ठ र प्रकाश श्रेष्ठ निर्मातामा छन् ।
