सोमवार क्यालिफोर्नियास्थित लस-एन्जल्सको डल्बी थिएटरमा भएको विश्वकै प्रतिष्ठित फिल्म अवार्ड ओस्कारमा ‘किङ रिचर्ड’ बाट विल स्मिथ र ‘द आइज अफ ट्यामी फेइ’ बाट जेसिका चेस्टेइन उत्कृष्ट अभिनेता र अभिनेत्री घोषित भएका छन् । त्यस्तै, ‘कोडा’ ले बेष्ट फिल्मको अवार्ड जित्न सफल हुँदा ‘द पावर अफ द डग’ बाट जेनी क्याम्पियनले सर्वोत्कृष्ट निर्देशकको अवार्ड उचालिन् ।
फिल्म ‘ड्युन’ले ध्वनी, छायांकन, प्रोडक्सन डिजाइन, भिजुअल इफेक्ट, सम्पादन, ओरजिनल स्कोर गरी सर्वाधिक ६ विधामा अवार्ड जितेको छ । पपुलर भोटिङको आधारमा ‘फ्यान फेवरेट’ विधामा ज्याक स्नाइडरको ‘आर्मी अफ दी डेड’ सर्वोत्कृष्ट बन्यो । ट्वीटरमार्फत यो विधामा भोटिङ भएको थियो । त्यस्तै, अन्तर्राष्ट्रिय फिचर विधामा ‘ड्राइभ माइ कार’ उत्कृष्ट बन्न सफल भएको छ ।
कोरोना महामारीपछि रेड कार्पेटसहित भौतिक रुपमा आयोजना भएको ९४औं ओस्कार अवार्ड समारोह केही समय तनावग्रस्थ समेत बनेको थियो । कार्यक्रमको होस्ट रहेका क्रिस रकले विल स्मिथकी श्रीमती जाडा पिन्केटको मजाक उडाएपछि विलले स्टेज चढेर क्रिसलाई थप्पड हानेका थिए । विल स्मिथले आफ्नो करिअरमा पहिलो पटक अस्कार अवार्ड जित्न सफल भएका हुन् ।
ओस्कार अवार्ड विजेताको सूची :-
फिल्म : कोडा
निर्देशक : जेनी क्याम्पियन (द पावर अफ द डग)
अभिनेत्री : जेसिका चेस्टेइन (द आइज अफ ट्यामी फेइ)
अभिनेता : विल स्मिथ (किङ रिचर्ड)
सह-अभिनेत्री : एरियाना डिबोस (द वेस्ट साइड स्टोरी)
सह-अभिनेता : ट्रोइ कोत्सर (कोडा)
सम्पादन : ड्युन (जोए वाकर)
मेकअप एन्ड हेयरस्टाइलिङ : द आइज अफ ट्याम्मी फे
एनिमेटेड फिचर : एनकान्टो
डकुमेन्ट्री फिचर : समर अफ सउल
डकुमेन्ट्री सर्ट : द क्वीन अफ बास्केटबल
ओरजिनल सङ : नो टाइम टु डाइ (बिल्ली एलिस र फिनेस ओ कनेल)
छायांकन : ड्युन (ग्रेड फेइजर)
अन्तर्राष्ट्रिय फिचर : ड्राइभ माइ कार (जापान)
प्रोडक्सन डिजाइन : ड्युन
भिजुअल इफेक्ट :मनो ड्युन
कस्ट्युम डिजाइन : क्रुएला (जेन्नी विभान)
ध्वनी : ड्युन
ओरजिनल स्कोर : ड्युन (हान्स जिमर)
एडप्टेड स्क्रिननप्ले : सायन हेडेर (कोडा)
ओरजिनल स्क्रिननप्ले : केनेथ ब्रानग (बेलफास्ट)
एनिमेटेड सर्ट : द वाइन्डसिड वाइपर
लाइभ एक्सन सर्ट : द लङ गुडबाइ
