कहाँ छौ कहाँबाट फिल्मी दुनियाँमा प्रवेश गरेका नायक गोबिन्द शाही आफ्नो पहिलो फिल्म कहाँ छौ कहाँको अत्यधिक सफलता संगै निरन्तर फिल्म निर्माणका साथै अभिनयमा लागिरहेका छन् । पहिलो फिल्मको व्यावसायिक सफलतावाट हौसिएका शाहीले त्यसपछी संसार आफ्नै र पराई निर्माण गरे । उनी आगामी भदौवाट 'पुलिस' फिल्मको छायाङन गर्ने तयारीमा छन् । साउन १८ वाट मोफसल र १९ गतेवाट काठमाण्डौमा प्रर्दशनको तयारीमा रहेको फिल्म संसार आफ्नैको पव्लिसिटिमा निकै व्यस्त रहेका शाहीसंग फिल्मीखबरका संवाददाता विष्णु शाहीले गरेको कुराकानी -
संसार आफ्नै कस्तो फिल्म हो ?
मेरो फिल्म बिशुद्ध माया प्रेममा आधारित छ । यसमा माया प्रेमसंगै समाजमा घटेका संवेदनशिल घटनालाई पर्दामा ल्याउने प्रयास गरेको छु । यो सत्य घटनामा आधारित फिल्म हो ।
पछिल्लो समय सेक्स, अश्लिल शब्द, वेड सिन, टङ किस जस्तो कथावस्तु भएको फिल्म चलिरहेको अवस्थामा लभस्टोरी फिल्म चल्ला ?
हो, पछिल्लो समय केही निर्माताहरुले त्यस्तो फिल्म वनाएर चलाएका छन् तर त्यो गलत हो । फिल्ममा नायिकाको नग्न शरीर र कलाकारको अश्लिल शव्दले फिल्म चल्छ भन्नु त्यो भ्रम हो । अरु निर्माताले जस्तो फिल्म वनाए पनी म फरक धारको नेपाली पन र मनले भरिपुर्ण समाजमा घटेका सत्य घटनामा फिल्म वनाउने निर्माता हुँ । सम्पुर्ण दर्शकलाई जानकारी गराउन चाहन्छु मेरो फिल्ममा नाङ्गो शरिर र सेक्स हैन मेरो साथीको वास्तविक कथा छ ।
व्यावसायिक रुपमा सफल हुन्छ भन्नेमा कत्तिको आशावादी हुनुहुन्छ ?
आशावादी छु किनकी पहिलो फिल्म भन्दा वढी मिहिनेत साथै राम्रो वनाउने प्रयास गरेको छु । मलाई लाग्छ संसार आफ्नै हेरेर आँशु नझार्ने दर्शक सायद कोही हुँदैनन् । फुलै फुल छ यहाँ वोलको गित जती चर्चित छ त्यो भन्दा वढी फिल्म सफल हुन्छ।
पछिल्लो समय नेपाली फिल्म खासै चलिरहेका छैनन् नी ?
पछिल्लो समय फिल्म नचल्लुको कारण कथा, संगित, प्रविधि, कलाकार राम्रो नभएर नै हो जस्तो मलाई लाग्छ । अर्को महत्वपूर्ण कुरा चाहिं प्राय निर्माताहरुले फिल्मको पव्लिसिटीलाई मोफसलसम्म नपुर्याउनु पनि हो, किनकी नेपाली फिल्म हेर्ने अधिकांश दर्शक ग्रामिण भेगका हुन्छन् ।
फिल्ममा अभिनय गर्ने कलाकार त्यसमा झन् नायकलाई त प्रेम प्रस्ताव धेरै आउछ भन्छन् नि !
प्रेम प्रस्ताव त आउछन् तर म त्यसलाई म प्रति दर्शकले गरेको माया र मेरो अभिनय प्रति देखाएको माया सम्झन्छु नेगेटिभ सोच्दिन ।
तपाईंको फिल्म प्रति मोह कहिले सम्म रहला ?
काम गर्दै जाने हो जव सम्म दर्शकले माया गर्नुहुन्छ, मेरो अभिनयलाई मन पराउनुहुन्छ तवसम्म रहिरहन्छ । म अरु जस्तो निर्माता हैन एक दुई वटा फिल्म वनाएर पलाएन हुने ।
अन्त्यमा के भन्नुहुन्छ ?
सर्वप्रथम मेरा प्यारा दर्शकहरुलाई मेरो पहिलो फिल्म जस्तै संसार आफ्नैलाई पनि माया गरिदिनुहुनका साथै सम्पुर्ण दर्शकलाई एकपटक फिल्म हेरेर प्रतिक्रिया दिनुहुन आग्रह गर्दछु ।
