Nepal's No.1 Filmy Web Magazine

कोरोनाका कारण सात महिनादेखि फिल्म निर्माण र प्रदर्शन भएको छैन । जसले गर्दा फिल्ममा सीमित कलाकारहरु फुर्सदिला भएका छन् । तर, यो समयमा उनीहरुलाई फिल्म अफरको भने कमी भएन । राजेश हमाल, दयाहाङ राई, बर्षा सिवाकोटी, उपासना सिंह ठकुरी, विपिन कार्कीलगायतले लकडाउनमा आधा दर्जन बढी फिल्मबाट प्रस्ताव आएको बताएका छन् ।

हलिउड/बलिउडको सिको गर्दै अहिले नेपाली फिल्ममा सिक्वेल निर्माणको लहड चलेको छ । बक्सअफिसमा सफल ठहरिएका फिल्मको नाम सापटी लिएर सिक्वेल बनाउँदा लगानी उठाउन सजिलो हुने विश्वासका कारण अचेल निर्माता तथा निर्देशकहरु नयाँ नाममा फिल्म बनाउने जोखिम मोल्न चाहेको देखिन्न । ‘सेल्फ ल्यान्डिङ’ हुन सिक्वेल फिल्ममाथि नै लगानी खन्याइरहेका छन् । 

नेपाली फिल्म क्षेत्रमा सफलता खोज्ने कलाकारहरुको संख्या ठूलो छ । लामो समय संघर्ष गर्दा पनि सफलताबाट विमुख हुँदा कति निराश भएका छन् भने कतिलाई पहिलो फिल्मले नै रातारात स्टार बनाएको छ । फिल्मले व्यावसायिक सफलता प्राप्त नगरेसम्म कलाकारको करिअरले गति लिन सक्दैनन् । एकाध कलाकार मात्र फिल्म असफल भए पनि अभिनयको दमले चलेका छन् ।

‘विवाह’ फेम्ड अभिनेत्री अमृता राव र चर्चित रेडियो प्रस्तोता अनमोलको घरमा चाँडै नयाँ सदस्यको आगमन हुने भएको छ । दुवै हालै मुम्बईको खारस्थित एक क्लिनिकबाट बाहिर निस्कँदै देखिएका थिए । तस्विरमा अमृताको बेबी बम्प देखिएको छ । उनको यो तस्विर अहिले सामाजिक सञ्जालमा निकै भाइरल भइरहेको छ भने दर्शकहरुले अमृता र अनमोललाई बधाई दिएका छन् । 

कोरोना भाइरसका कारण यतिबेला विश्व नै आक्रान्त छ । संक्रमण र मृत्युदर दिनप्रति दिन बढिरहेको छ । लकडाउन अन्त्य हुनुभन्दा अगाडि नेपालमा कोरोना संक्रमतिको संख्या ठूलो थिएन । रोगको डरले मानिसहरुले सावधानी अपनाएका थिए । तर, लकडाउन अन्त्यपछि मानिसहरु कोरोनासँग खासै डराएको पाइएको छैन । जसले गर्दा संक्रमण नियन्त्रणभन्दा बाहिर गएको छ ।

नेपाली फिल्मका चर्चित अभिनेता राजेश हमालले सञ्चालन गर्दै आएको ‘जातको प्रश्न’ नामक कार्यक्रम विवादमा तानिएको छ । क्रिश्चियनको लगानीमा हिन्दूत्वमाथि प्रहार भएको भन्दै हिन्दू समर्थकहरुले सोमवार अभिनेता हमालको पुत्ला (फोटो) दहन गरेका छन् । राष्ट्रिय एकता अभियानको अगुवाईमा काठमाडौंको भिमसेन गोलामा हिन्दू समर्थकहरुले हमालको पुत्ला जलाएका हुन् ।