बलिउड अभिनेता सलमान खान चाँडै साउथ सुपरस्टार चिरञ्जीवीसँग साउथ फिल्म ‘गडफादर’मा देखिँदैछन् । यसमा उनको केमियो भूमिका छ । चिरञ्जीवीसँगको घनिष्ट मित्रताका कारण उनी यो फिल्ममा काम गर्न तयार भएका हुन् । जब मित्रता निभाउने कुरा आउँछ तब बलिउडमा सलमानभन्दा राम्रो साथी अरु हुन सक्दैन । र, यसपटक फेरि उनले यो कुरा सावित गरेका छन् ।
सलमानले ‘गडफादर’मा आफ्नो स्पेशल केमियोका लागि छायांकन सुरु गरिसकेका छन् । तर, उनले यो फिल्ममा काम गर्न पारिश्रमिक लिएका छैनन् । केमियोका लागि फिल्मका निर्माताले सलमानलाई २० करोडसम्म दिने तयारी गरेका थिए । तर, सलमानले पारिश्रमिक लिन ठाडै अस्वीकार गरे । उनले आफूलाई पारिश्रमिक दिए फिल्ममा कामै नगर्ने अडान कसेका थिए ।
सलमानले पारिश्रमिकको विषयमा चिरञ्जीवीसँग भनेको कुरा उदृत गर्दै स्रोतले भनेको छ, ‘यदी मैले मेरो फिल्ममा एक स्पेशल केमियो गर्न आग्रह गरे भने तपाईं पारिश्रमिक लिनु हुन्छ ?’ सलमानको यो कुराले चिरञ्जीवी निशब्द भएको भारतीय मिडियाले उल्लख गरेका छन् । ‘गडफादर’मा सलमानको २० मिनेटको रोल रहेको र एक हप्तासम्म मुम्बईमा छायांकन हुने बताइएको छ ।
