Nepal's No.1 Filmy Web Magazine

लामो समयदेखि म्यूजिक भिडियो निर्देशन र फिल्म छायांकनमा सक्रिय रहेका रन्धिर श्रेष्ठको लेखन तथा निर्देशनमा बनेको फिल्म ‘कुम्भ’ आगामी मंसिर १२ गतेबाट प्रदर्शनमा आउने भएको छ । बिहीबार थिम पोस्टर सार्वजनिक गर्दै प्रदर्शन मितिबारे जानकारी गराइएको हो ।

आगामी साउन १६ गतेबाट प्रदर्शनमा आउने तयारीमा रहेको फिल्म ‘रियाल रिङ्गेट’को दोस्रो गीत ‘तिम्रा बाले ज्वाइँ खोजे’ सार्वजनिक गरिएको छ । रामचन्द्र काफ्ले र जुनू रिजाल काफ्लेको पार्श्व गायन रहेको गीतमा प्रदीप भारद्वाजको शब्द रचना तथा गायक काफ्ले स्वयंको सङ्गीत रहेको छ । 

नर प्रधान (मित्र)ले पहिलो पटक निर्देशन गरेको फिल्म ‘यो मन त मेरो नेपाली हो’ यही असार २७ गतेबाट प्रदर्शनमा आउँदैछ । यसमा उनले नेपाली भाषा, कला, संस्कृति जोगाउनुपर्ने विषय उठाएका छन् । उनलाई यो विषयमा फिल्म बनाउने सोच नेपालबाट अमेरिका पुगेपछि आएको रहेछ। त्यसको कारण थियो, अमेरिकाको व्यस्त जीवनले गर्दा नेपाली संस्कार र संस्कृतिसँग दूरी बढ्नु।

कलाकार माओत्से गुरुङले आफ्नो आगामी निर्देशकीय फिल्म ‘पेन्सनपट्टा’को मुख्य भूमिकामा अभिनेता दयाहाङ राईलाई अनुबन्धित गरेका छन् । बिहीबार निर्देशक गुरुङले यसबारे जानकारी गराएका हुन् । उनले यसअघि दयाहाङलाई लिएर फिल्म ‘दयारानी’ बनाएका थिए, जुन बक्स अफिसमा हिट भएको थियो ।

अभिनेत्री श्वेता खड्काले फिल्मबाट ब्रेक लिएको करिब ७ वर्ष भइसकेको छ । उनी पछिल्लो पटक आफैंले निर्माण गरेको फिल्म ‘कान्छी’मा देखिएकी थिइन् । यसपछि उनले बाहिरी ब्यानरका केही फिल्म सम्झौता गरे पनि कुनै बन्दै बनेनन् भने कुनैबाट आफैं बाहिरिइन् । यतिबेला उनी आफ्नै विभिन्न व्यवसायमा व्यस्त छिन् । इन्जिनियरिङ क्षेत्रदेखि कफी सपसम्म उनको ठूलो लगानी छ ।