जातीय छुवाछुत प्रथामाथि अर्को एक नयाँ फिल्म निर्माण हुने भएको छ । ‘धौली’ नाम दिएर घनश्याम लामिछानेले यो विषयमाथि फिल्म निर्देशन गर्ने भएका हुन् । उनले यो फिल्मलाई सामाजिक फिल्मको संज्ञा दिए ।
‘धौली’को शिर्ष भुमिका चरित्र अभिनेत्री गीता अधिकारीले निभाउँदै छिन् । गीतासँगै यो फिल्ममा अभिनेता गजित बिष्ट र अभिनेत्री अनु शाहले अभिनय गर्दैछन् । यही असार १५ गते फिल्मको छायाँकन सुरु गर्ने तयारी हुँदैछ । कास्की जिल्लाको पोखरा र भुर्जुङ खोला गाउँमा फिल्मको छायाँकन हुनेछ ।
‘धौली’ मा शम्भू थापा, सन्तोष आत्रेय र अर्जुन बोहोराको संयुक्त लगानी रहनेछ । फिल्मको कथा निर्माता आत्रेय स्वयम्ले तयार गरेका हुन् ।
