रमेश बुढाथोकीको नेतृत्व रहदा शून्य देखिने चलचित्र कलाकार संघमा फिल्मकर्मीहरुको चहलपहल बढ्न थालेको छ । नवल खड्काको नेतृत्व आएसंगै संघमा चहलपल बढेको हो ।
अहिले हरेक दिन २५ बढी सक्रिय फिल्मकर्मी कलाकार संघको दैलोमा पुग्ने गरेका छन् जसबाट अध्यक्ष खड्काले आफूमा काम गर्ने हौसला निकै बढेको तर्क गरेका छन् । नवलले हरेक महिनाको अन्तरालमा कलाकार संघको क्रियाकलापलाई बृहत शैलीले सार्वजनिक गर्ने खाका पनि तयार गरेका छन् । जस अन्र्तगत उनले यहि पौष ७ गतेका लागि फिल्मकर्मीहरुको सामिप्यता बढाउन पिकनिक कार्यक्रम तय गरेका छन् ।
पिकनिकको बिषयमा उनले भने,'पिकनिकलाई रमाईलो गर्ने भन्दा पनि सहकार्य कसरी गर्न सकिन्छ भन्नेमा केन्द्रित रहने गरी हामीले तय गरेका छौ । त्यसैले सकिन्छ भने एक दिनका लागि सम्पूर्ण फिल्ममेकरलाई पिकनिकमा सहभागी भईदिन आग्रह हुने छ हाम्रो ।' पिकनिक जमघट ललितपुर स्थित गोदावारी पार्कमा हुनेछ जसमा सहभागिताको लागि १ हजार रुपैया चार्ज तोकिएको छ ।
यस्तै नवलले आफ्नो पन्ध्र बुँदे चुनावी प्रतिबद्धता पत्र अन्र्तगतको ६ बुँदे मागलाई कार्यान्वयनको प्रक्रियामा अगाडी पनि सारेका छन् । उनले अहिलेको अवस्थाको फिल्म क्षेत्र सुधारकालागि सञ्चार मन्त्रालय, चलचित्र बिकास बोर्ड देखि लिएर हरेक फिल्मसंग सम्बन्धीत संघसंस्थामा आफ्ना मागलाई कार्यान्वयनका लागि बुझाउने अन्तिम तयारी गरेका छन् । ६ बुदे माग यस्तो छ -
- राज्यको पहुचमा चलचित्रकर्मीलाई पाँचौ अंगको रुपमा स्थापित गनुपर्ने ।
- नेपालको राजदुतावास रहेको हरेक देशमा सास्कृतिक सहचार्य अनिवार्य नियूक्त गर्नुपर्ने ।
- फिल्मक्षेत्रलाई साँस्कृतिक उद्योगको मान्यता दिनुपर्ने ।
- सेन्सर अघि अनिवार्य रुपमा कलाकार संघको सिफारिसमा पारिश्रमिक चुक्ता सहमति पत्र हुनुपर्ने ।
- चलचित्र प्राज्ञ प्रतिष्ठानको स्थापनामा जोड र बसुन्धरामा सरकाले चलचित्र कलाकार संघलाई दिएको सट्टा भरनाको ब्यवस्था जति सक्दो छिटो हुनुपर्ने ।
