सुपारी लेनदेनलाई सामान्यतया हामी कुनै शुभ अवसरका लागि निम्ता दिएको र लिएको भन्ने बुझ्छौं । तर अहिले नगरकोटमा सुपारीलाई मारकटका लागि प्रयोग गरिएको छ ।
बिहिबारबाट सुटिङ शुरू भएको फिल्म 'सुपारी' एउटा रिभेन्ज एक्सन फिल्म हो जहाँ मुख्य हतियार सुपारीलाई बनाईएको छ । शिब घिमिरेको निर्देशनमा बन्न लागेको सो फिल्ममा गजित बिष्ट र झरना थापा मुख्य भुमिकामा रहनेछन् । आज भने करियोग्राफर कविराज गहतराजले नयाँ कलाकार सपना केसी, शरण डंगोल र विकेश शाहीलाई नगरकोटमा नचाई रहेका छन् ।
निर्देशक घिमिरेअकै कथामा बन्न लागेको सो फिल्मलाई हेराकुमारी शाहीले निर्माण गर्दैछिन् । राजेन्द्र श्रेष्ठ र सूर्य किरणको संगीत रहेको सो फिल्मलाई महेन्द्र थापाले खिचिरहेका छन् । फिल्मको सुटिङ काठमाण्डौ उपत्यका, सिन्धुपाल्चोक र चितवनमा गरिने भएको छ ।
