केहि तामाङ फिल्ममा अभिनय गरेकी नायिका चन्दा घिसिङ गायिका समेत हुन् । उनले आजै मात्र आफ्नो एकल एल्बमको बिमोचन गराईन् ।
बरिष्ठ कलाकार मदनकृष्ण श्रेष्ठ र संगीतकार शम्भुजित बाँस्कोटाले एक कार्यक्रमका बिच एल्बम 'मंगोलियन गर्ल' को बिमोचन गरे । मिख्ली, च्याङवा, मायुङ बुरिङ जस्ता तामाङ भाषा र संस्कृतीमा आधारित फिल्ममा अभिनय गरेकी चन्दाले अब गायनलाई पहिलो प्राथमिकतामा राख्ने बताईन् ।
एक्सन इन्टरटेन्मेन्ट प्रालीले बजारमा ल्याएको सो एल्बममा शम्भुजित बाँस्कोटा, विजु बज्र लगायतका संगीतकारले संगीत भरेका छन् भने डा. भोला रिजाल, भुपेन्द्र खड्का, अशोक प्यासी राई लगायतको शब्द रहेको छ ।
