आजबाट उपत्यका बाहिरका हल मार्फत रिलिज भएको फिल्म माई ब्रदर पुर्वका हलमा भने भोलि शनिबारबाट मात्रै प्रदर्शनमा आउने भएको छ । फिल्मको हार्ड डिस्क काठमाडौँबाट पुर्व आउन ढिलाई भएकोले फिल्म आज पुर्वका हलमा रिलिज हुन सकेन ।
बिष्णु भट्टराईले निर्देशन गरेको फिल्म पुर्वको कृष्ण टाकिज, दमकको निलकण्ठ चित्र मन्दिर, उर्लाबारीको भिलेज सिनेमा, विराटचोकको सुकुना चित्र मन्दिर लगायतका हल मार्फत रिलिजमा आउने छ । त्यस्तै फिल्म रिलिज भएको अन्य स्टेसनबाट भने ओपनिंग सोबाट दर्शकको सकारात्मक प्रतिक्रिया पाएको निर्देशक भट्टराईले जानकारी गराए । फिल्म हेर्ने दर्शकले हलबाट निस्कदा फिल्म मन परेको बताएकोले भोलिबाट झन् पिकअप लिनेमा आफु ढुक्क रहेको भट्टराईको कथन छ ।
फिल्ममा दिपक पाण्डे 'लक्की', सुमिना घिमिरे, रमेश बुढाथोकी, विमला गिरी, अन्जु थापाको साथमा बालकलाकार अनिष कंडेल लगायतका कलाकारले अभिनय गरेका छन् । पारिवारिक कथाबस्तुमा निर्माण भएको फिल्ममा दाजुभाईको सम्बन्धलाई बेग्लै कोणबाट प्रस्तुत गरेको बताइएको छ ।
