पछिल्लो समय महानायक राजेश हमाललाई फिल्ममा अभिनय गराए पनि पब्लिसिटीमा भने ल्याएको पाईदैन । तर फिल्म 'मेरो जीवन साथी' को निर्माण युनिटले भने थुप्रै कलाकार हुँदाहुँदै राजेश हमाललाई नै अगाडी ल्याएको छ ।
मंसिर १५ गते रिलिज हुने मेरो जीवन साथीमा राजेश हमाल र शुष्मा कार्की अभिनित खुसी नै खुसी दिन्छु बोलको गीत सार्वजनिक गरिएको छ । जहाँ राजेशलाई शुष्माले खुसी बनाउन कुनै कसुर बाँकी राखेकी छैनन् भने राजेशले पनि शुष्मालाई दिल खोलेर साथ दिएका छन् । दिवाकर भट्टराईको संगीत, सुर्य कार्कीको शब्द रहेको गीतमा राजेश पायल राई र दुर्गा खरेलको आवाज रहेको छ जसमा शंकर बिसीको करियोग्राफी र रामेश्वर कार्कीको सिनेमाटोग्राफी रहेको छ ।
सुर्य कार्कीको निर्माणमा दिवाकर भट्टराईले निर्देशन गरेको यो फिल्ममा राजेश र शुष्माको साथमा रेखा थापा, रेश मरहठ्ठा, रागिनी खड्गी,शिबन पोखरेल लगायतको अभिनय रहेको छ । फिल्मको कथा सामिप्य तिमल्सिनाले लेखेका हुन् ।
