टुका ईन्टरटेन्मेन्टले निर्माण गरेको पहिलो फिल्म मन्जरीको रिलिज डेट फिक्स भएको छ ।
गणेश देव पाण्डेको निर्देशनमा तयार भएको सो फिल्म आउदो माघ १९ को मितिदेखि देशब्यापी रिलिज हुने प्रोड्यूसर नरेश पाण्डेले जानकारी दिएका छन् । फिल्मलाई प्रदीप उदयको डिष्ट्रीब्यूसन कम्पनी द्धारिका ईन्टरटेन्मेन्टले रिलिज जिम्मा लिएको छ । उदयका अनुसार देशभरिका ६० बढी हलहरुमा एकैसाथ यो फिल्म लाग्ने छ ।
८० लाख बजेटको उक्त फिल्मको पोष्ट प्रोडक्सनको काम जारी छ । बरिष्ठ कलाकार टिका पहाडी सहित उनका छोरा गौरव र सुजाता कोईरालाको डेब्यू फिल्म 'मन्जरी' रोमान्टिक ड्रामा जनरको हो । सो फिल्मको कथा बुटवलमा घटेको एउटा सत्य घटनालाई उठाएर तयार गरिएको बताईएको छ । बर्षिक ३ वटा फिल्म निर्माण गर्ने उद्देश्यका साथ स्थापना भएको टुका ईन्टरटेनमेन्टले थप दुई फिल्मको स्क्रिप्टमा अध्ययन जारी भईरहेको जनाएको छ ।
