टाईटललाई मध्यनजर गर्ने हो भने यो बिषय यौन माथि केन्द्रित छ भन्न सकिन्छ तर निर्देशक केपी पाठकले भने यसको रहस्य खोल्न चाहेनन् । विगत केही महिना यता ठमेल स्थित रेड कार्पेट टुर्स एण्ड ट्राभल्सको ब्यावसायमा समेत हात हालेका केपीले यहि माघ महिना देखि नयाँ फिल्म निर्माण गर्न लागेका हुन् ।
जोईन्ट प्रोडक्सनमा उनले निर्माण गर्ने फिल्मको नाम 'रेड मार्केट' तय गरिएको छ जसको स्क्रिप्ट अर्का निर्देशक मनोज पण्डितले तयार गरिरहेका छन् । 'गाजल' निर्माण पश्चात सोसल ड्रामा शैलीको 'मैना' बनाएका उनले सो फिल्म आउदो फागुन महिना भित्र देशभरिका हलमा रिलिज गर्ने तयारी पनि गरिरहेका छन् ।
उनले नेपाल रिलिज पोष्टपोण्ड गर्दै ऒभरसिज शोबाटै मैनाको लगानी करिब उठाईसकेका छन् । केपीले नयाँ फिल्म निर्माणको लागि स्क्रिप्ट सहित कलाकार छनोटमा ब्यस्त रहेको फिल्मीखबरसंगको भेटमा बताएका हुन् ।
