नायक जीवन लुईटेलको व्यस्तताल् अड्किएको फिल्म 'माई ब्रदर' को डबिङ बल्ल सकिएको छ । लामो समयको पर्खाई पश्चात जीवनले समय निकाले पछि डबिङ सकिएको निर्देशक बिष्णु भट्टराईले फिल्मीखबरलाई जानकारी दिए ।
जीवन फिल्ममा बिशेष भुमिकामा रहेको जानकारी दिंदै निर्देशक भट्टराईले डबिङसंगै फिल्मको पोस्ट-प्रोडक्सनको काम अन्तिम चरणमा पुगेको बताए । असोज १९ गतेबाट देशभर एकसाथ प्रदर्शनमा आउन लागेको फिल्म 'माई ब्रदर' मा सुमिना घिमिरे र दीपक पाण्डेको मुख्य भुमिका रहेको छ । सामाजिक कथाबस्तुमा बनेको सो फिल्ममा रमेश बुढाथोकी, विमला गिरी, अन्जु थापाको साथमा बालकलाकार अनिष कंडेलको अभिनय हेर्न सकिनेछ ।
फिल्ममा बिरेन्द्र भट्टको छायाँकन, अष्ट महर्जनको द्धन्द, तारा प्रकाश लिम्बु, बिपिन आचार्य र तिलकको संगीत तथा कविराज गहतराजको करियोग्राफी रहेको छ । सरु भट्टराई र मैना देवी भण्डारीले निर्माण गरेको सो फिल्मलाई निर्देशक भट्टराईले पारिवारिक सस्पेन्स फिल्म भन्दै आएका छन् ।
