घुष काण्डपछि केन्द्रीय कार्यसमितिबाट निलम्बनमा परेका निलहरी काफ्लेको स्थानमा छवि ओझालाई तानिएको छ । आज बसेको चलचित्र निर्माता संघको केन्द्रीय कार्यसमतिको बैठकले कार्यसमितिको लागि ओझा उपयुक्त उपयुक्त सदस्य रहेको ठहर गर्दै उनलाई केन्द्रीय कार्यसमितिमा तानेको हो ।
'विवादमा परेका कारण निलहरीको जीको स्थानमा ल्याउने उपयुक्त ब्यक्ति छवि ओझा देखेकाले आजको बैठकले सो निर्णय गरेको हो', सचिव सुरेश दर्पण पोखरेलले बैठक पश्चात जानकारी गराए । यस्तै दर्पणका अनुसार यस अघि निर्माता संघको सिफारिसमा चलचित्र विकास बोर्ड सदस्यका लागि गरिएको रोज राणाको सिफारिसलाई निरन्तरता दिने निर्णय पनि आजको बैठकले गरेको छ । आज देखि मन्त्री निकट एक मात्र सदस्य बोर्डमा रहेकाले बोर्डमा अझै दुई सदस्य नियुक्त हुन बाँकी छन् जस मध्ये एक ब्यक्ति निर्माताहरुको तर्फबाट हुने ब्यवस्था छ ।
