दुई महिना अघि देखि अमेरिका जाने तयारी गरिरहेकी अभिनेत्री करिश्मा मानन्धर भदौ २९ गते अमेरिका उड्ने निश्चित भएको छ । केही महिना अघि आफ्नी एक मात्र छोरी कवितालाई अमेरिका पठाएकी उनी छोरीकै कारण अमेरिका उड्न लागेकी हुन् ।
'कबुको कलेजमा केही पेपर मिलाउन म नगई भएन त्यसैले १४ तारिखमा उता जाने निश्चित भएको छ', शनिबारको भेटमा उनले फिल्मीखबरसंग बताईन् । केही बर्षे अमेरिका बसाई पश्चात २००९ को अन्त्यमा पुनः नेपालमै बस्ने गरी फर्किएकी उनी यो पटक भने डिसेम्बरको लाष्ट सम्म अमेरिकामा रहने छिन् । करिश्माको अनुसार सम्भवत उनी स्वर्गीय ससुराको बार्षिक कार्यक्रम सक्न उतैबाट लण्डन पनि प्रस्थान गर्ने छिन् ।
फेब्रुअरीमा बुवाको बार्षिक कार्यक्रम रहेकाले बीचको केही दिने ग्यापमा नेपाल आएर लण्डन पनि जान सक्छु तर अहिलेको सोच चाहि उतैबाट लण्डन जाऊ भन्ने छ हेरौ के हुन्छ', उनले भनिन् । अमेरिका जाने तयारीका कारण उनले प्रस्तावमा आएका आधा दर्जन फिल्मलाई रिजेक्ट गर्दै आएकी थिईन् । उनको पछिल्लो फिल्म मायाज बार हो भने केही फिल्महरु अझै रिलिज हुन बाँकी छन् ।
अरुणिमा पनि २० गते उड्ने
सन्तान प्राप्ती पछि फिल्ममा कमब्याक हुन नसकेकी अरुणिमा लम्साल एक महिनाका लागि अमेरिका जाने भएकी छिन् । विवाह पश्चात दिल खोलेर पतिका साथ घुम्न नसकेकी उनी यो पटक भने एक बर्षे छोरीका साथ हनिमुन स्टाईलमा रमाईलो गर्ने मुडमा छिन् । उनी आउदो २० गते अमेरिका तर्फ लाग्दै छिन् ।
