अत्याधिक रक्त श्राव भएपछि अभिनेत्री संचिता लुईटेललाई अस्पताल भर्ना गरिएको छ । गत भदौ चार गते दोस्रो सन्तान जन्माएकी उनलाई हिजो साँझ कुपन्डोल स्थित नर्भिक अस्पताल भर्ना गरिएको उनको पारिवारले जनाएको छ ।
'अति धेरै रक्त श्राव भएपछि दिज्युलाई हिजो साँझ हस्पिटल ल्याएका छौ र अहिले उहाँ आईसियुमा हुनुहुन्छ', संचिताकी बहिनी सिवानीले खबर दिएकी छिन् । ९ दिनको बच्चाको अवस्था सामान्य रहेको छ भने संचिताको बिषयमा तत्काल डक्टरले कुनै प्रतिक्रिया दिएका छैनन् ।
सिजेरियन (अप्रेशन) मार्फत बच्चा जन्माएकी संचिताको अप्रेशन समयमा केही डक्टरी सामान छुट्न सकेको पनि अनुमान काटिएको छ जसकारण रक्त श्राव धेरै भएको भन्ने उनको परिवारले अनुमान काटेको छ । यस्तै रक्तश्राव हुने अर्को कारण मध्ये सुत्केरी स्यहार नपुग्नु पनि भनिन्छ । सञ्चिता पति निखिल उप्रेती भने अहिले मुम्बईमा नै रहेको बुझिएको छ । उनी श्रीमती सुत्केरी हुँदा पनि नेपाल आएका छैनन् ।
निर्माता सरोज शर्मा पनि आईसियुमा
टाउकोमा केही समस्या आएपछि निर्माता सरोज शर्मा पनि अस्पताल भर्ना भएका छन् । फिल्मीखबरलाई प्राप्त खबर अनुसार उनलाई पनि माईतीघर स्थित अन्नपुर्ण अस्पतालको आईसियुमा भर्ना गरिएको छ । उनले अचानक फिल्म निर्माण गरेका थिए ।
